ಕ್ರಿಕೆಟ್ ಬೆಟ್ಟಿಂಗ್‌: ಐವರ ಬಂಧನ

ಹಾಸನ: ನಗರದಲ್ಲಿ ಕ್ರಿಕೆಟ್‌ ಬೆಟ್ಟಿಂಗ್‌ ಆಡುತ್ತಿದ್ದ ಐವರನ್ನು ಹಾಸನ ಬಡಾವಣೆ ಪೊಲೀಸರು ಸೋಮವಾರ ಬಂಧಿಸಿದ್ದಾರೆ.

ನಗರದ ವಲ್ಲಬಾಯಿ ರಸ್ತೆ ನಿವಾಸಿ, ವ್ಯಾಪಾರಿ ಹರೀಶ್ (23), ಶಾಂತಿಗ್ರಾಮದಲ್ಲಿ ಟೀ-ಕ್ಯಾಂಟೀನ್ ನಡೆಸುವ ಮಧು (25), ಬಟ್ಟೆ ವ್ಯಾಪಾರಿ ಪವನ್ (30), ಹೊಸಲೈನ್‌ ರಸ್ತೆಯ ಗೌತಮ್ (35), ಚನ್ನಪಟ್ಟಣ ಹೌಸಿಂಗ್ ಬೋರ್ಡ್ ನಿವಾಸಿ ಅರ್ಜುನ್ (31) ನನ್ನು ಬಂಧಿಸಿ, ₹5,450 ನಗದು, ಎರಡು ಮೊಬೈಲ್‌ ವಶಪಡಿಸಿಕೊಳ್ಳಲಾಗಿದೆ.

ನಗರದ ಬೀರನಹಳ್ಳಿ ಕೆರೆ ಮುಖ್ಯ ರಸ್ತೆಯ ಆರ್.ಆರ್. ಎಂಟರ್ ಪ್ರೈಸಸ್ ನಲ್ಲಿ ಮುಖ್ಯ ಆರೋಪಿ ಹರೀಶ್ ಇತರರೊಂದಿಗೆ ಕ್ರಿಕೆಟ್ ಬೆಟ್ಟಿಂಗ್‌ನಲ್ಲಿ ಭಾಗಿಯಾಗಿದ್ದ. ಈ ಮಾಹಿತಿ ಆಧರಿಸಿ ಪಿಎಸ್‌ಐ ಅಶ್ವಿನಿನಾಯ್ಕ,ಸಹಾಯಕ ಸಬ್‌ ಇನ್‌ಸ್ಪೆಕ್ಟರ್‌ಗಳಾದ ನಿಂಗೇಗೌಡ, ಕೃಷ್ಣಕುಮಾರ್, ಕೃಷ್ಣಶೆಟ್ಟಿ, ಅಣ್ಣಪ್ಪ ಕಾರ್ಯಾಚರಣೆನಡೆಸಿದರು. ಪೋಲಿಸ್‌ ವರಿಷ್ಠಾಧಿಕಾರಿ ಆರ್‌.ಶ್ರೀನಿವಾಸ್‌ಗೌಡ ಸಿಬ್ಬಂದಿಯನ್ನು ಶ್ಲಾಘಿಸಿದ್ದಾರೆ.

ಗಾಂಜಾ ಗಿಡ ವಶ: ಒಬ್ಬನ ವಶ

ಹಾಸನ: ತಾಲ್ಲೂಕಿನ ನಂಜದೇವರ ಕಾವಲು ಗ್ರಾಮದ ಕೃಷ್ಣೇಗೌಡರ ಮನೆಯ ಹಿತ್ತಲಿನಲ್ಲಿ ಬೆಳೆದಿದ್ದ₹5,500 ಬೆಲೆಯ ಗಾಂಜಾ ಗಿಡ ವಶಪಡಿಸಿಕೊಂಡು ಆರೋಪಿಯನ್ನು ಬಂಧಿಸಲಾಗಿದೆ.ಗ್ರಾಮಾಂತರ ಪೊಲೀಸ್ ಠಾಣಾ ಪಿಎಸ್ಐ ಬಸವರಾಜು ಅವರು ಮನೆ ಮೇಲೆ ದಾಳಿ ಮಾಡಿ ಸುಮಾರು 1ಕೆ.ಜಿ 200 ಗ್ರಾಂ ತೂಕದ ಹಸಿ ಗಾಂಜಾ ಗಿಡ ವಶಪಡಿಸಿಕೊಂಡು ಪ್ರಕರಣ ದಾಖಲಿಸಿದ್ದಾರೆ.