ಕೊಣನೂರು: ಅರ್ಧಗಂಟೆ ಉತ್ತಮ ‌ಮಳೆ

‌‌ಕೊಣನೂರು: ಹೋಬಳಿಯ ಕೆಲಭಾಗದಲ್ಲಿ ಉತ್ತಮ ಮಳೆ ಸುರಿದಿದ್ದು, ಹೊಗೆಸೊಪ್ಪು ಬೆಳೆಗಾರರಲ್ಲಿ ಹರ್ಷ ತಂದಿದೆ.

ಹೋಬಳಿಯ ಸಿದ್ದಾಪುರ, ಬನ್ನೂರು, ಹೊಡೆನೂರು, ಕಾದನೂರು, ಮರಿಯನಗರ, ಕಡವಿನಹೊಸಹಳ್ಳಿ ಸೇರಿದಂತೆ ವಿವಿಧ ಭಾಗದಲ್ಲಿ ಬುಧವಾರ ಸಂಜೆ 5 ಗಂಟೆಗೆ 30 ನಿಮಿಷ ಉತ್ತಮ ಉತ್ತಮ ಮಳೆ ಸುರಿಯಿತು. ಹೊಗೆಸೊಪ್ಪು ಬೆಳೆಗಾರರಿಗೆ ಸಸಿಗಳನ್ನು ನಾಟಿ ಮಾಡಲು ಹದ ಮಾಡಿತು.

20 ದಿನಗಳಿಂದ ಹದ ಮಳೆ ಬೀಳದೇ ಹೊಗೆಸೊಪ್ಪು ಬೆಳೆಗಾರರು ಸಸಿ ನಾಟಿ ಮಾಡಲು ಮೀನಮೇಷ ಎಣಿಸುವಂತಾಗಿತ್ತು. ಹದ ಮಳೆಯ ಕೊರತೆಯಿಂದ ಅನೇಕ ದಿನಗಳಿಂದ ಹಿನ್ನಡೆ ಅನುಭವಿಸಿದ್ದ ಹೊಗೆಸೊಪ್ಪು ಬೆಳೆಗಾರರು ನಿರಾಳವಾಗಿದ್ದು, ಸಸಿ ನಾಟಿ ಮಾಡಲು ಹಾಗೂ ಈಗಾಗಲೇ ನಾಟಿ ಮಾಡಿರುವ ಗಿಡಗಳಿಗೆ ಗೊಬ್ಬರ ನೀಡುವ ಕಾಯಕದಲ್ಲಿ ತೊಡಗಿದ್ದಾರೆ.