ಹಾವೇರಿ: ಜೋಕಾಲಿ ಆಡುವಾಗ ಬಾಲಕಿ ಸಾವು

ಹಾವೇರಿ: ತಾಲ್ಲೂಕಿನ ಸಂಗೂರ ಗ್ರಾಮದ ಮನೆಯ ಮುಂಭಾಗ ಚಾವಣಿಗೆ ಸೀರೆ ಕಟ್ಟಿ ಜೋಕಾಲಿ ಆಡುವಾಗ ಆಕಸ್ಮಿಕವಾಗಿ ಸೀರೆ ಕುತ್ತಿಗೆಗೆ ಸುತ್ತಿಕೊಂಡು 11 ವರ್ಷದ ಬಾಲಕಿ ಮೃತಪಟ್ಟಿದ್ದಾಳೆ.

ಭಾಗ್ಯಾ ಮಾಲತೇಶ ದ್ಯಾವಣ್ಣನವರ ಎಂಬುವರು ಮೃತಪಟ್ಟ ಬಾಲಕಿ. ಸೀರೆಗೆ ಸಿಲುಕಿ ಉಸಿರು ಕಟ್ಟಿಕೊಂಡ ತಕ್ಷಣ ಬಾಲಕಿಯನ್ನು ಸಂಗೂರಿನ ವೈದ್ಯರ ಬಳಿ ತೋರಿಸಿ, ನಂತರ ಹೆಚ್ಚಿನ ಚಿಕಿತ್ಸೆಗೆ ಹಾವೇರಿ ನಗರದ ಖಾಸಗಿ ಆಸ್ಪತ್ರೆಗೆ ಕರೆತರಲಾಯಿತು. ಆದರೆ, ಬಾಲಕಿ ಆ ವೇಳೆಗೆ ಮೃತಪಟ್ಟಿದ್ದಳು ಎಂದು ವೈದ್ಯರು ತಿಳಿಸಿದ್ದಾರೆ.

ಈ ಕುರಿತು ಹಾವೇರಿ ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.