ಬ್ಯಾಡಗಿ | ಉತ್ತಮ ಮಳೆ: ಮನೆಗೆ ನೀರು ನುಗ್ಗುವ ಆತಂಕ

ಬ್ಯಾಡಗಿ: ಪಟ್ಟಣ ಸೇರಿದಂತೆ ತಾಲ್ಲೂಕಿನಾದ್ಯಂತ ಮಂಗಳವಾರ ಉತ್ತಮ ಮಳೆಯಾಯಿತು.

ಸೋಮವಾರ ಸಂಜೆ ಆರಂಭವಾದ ಮಳೆ ರಾತ್ರಿ 9 ಗಂಟೆ ಬಳಿಕ ವಿರಾಮ ನೀಡಿತ್ತು. ಮಂಗಳವಾರ ಬೆಳಿಗ್ಗೆ ಮೋಡ ಕವಿದ ವಾತಾವರಣ ಇತ್ತು. ಮಧ್ಯಾಹ್ನ 12 ಗಂಟೆಯ ಬಳಿಕ ಆರಂಭವಾದ ಮಳೆ ಸತತ ಎರಡು ತಾಸು ಸುರಿಯಿತು.

ಬಾರಿ ಮಳೆಯಿಂದ ಚರಂಡಿ ನೀರು ರಸ್ತೆ ಮೇಲೆ ಹರಿಯಿತು. ಮಳೆ ಹೆಚ್ಚಾದರೆ ಬಡಾವಣೆಗೆ ನೀರು ನುಗ್ಗುವ ಆತಂಕದಲ್ಲೇ ಛತ್ರದ ಬಡಾವಣೆ, ಆಲೂರು ಪ್ಲಾಟ್‌, ಸುಭಾಷ ನಗರದ ನಿವಾಸಿಗಳು ದಿನ ಕಳೆದರು.

ಎರಡು ದಿನಗಳಿಂದ ಸುರಿಯುತ್ತಿರುವ ಮಳೆಯಿಂದ ಕೃಷಿ ಚಟುವಟಿಕೆಗಳು ಗರಿಗೆದರಿವೆ. ಬಿತ್ತನೆಗೆ ಬೇಕಾದ ಬೀಜ, ಗೊಬ್ಬರ ಹಾಗೂ ಇನ್ನಿತರ ವಸ್ತುಗಳು ಸಂಗ್ರಹಕ್ಕೆ ಮುಂದಾಗಿದ್ದಾರೆ.