ಶಿಗ್ಗಾವಿ | ಮನೆಯಲ್ಲಿದ್ದ ನಗದು ಕಳವು

ಶಿಗ್ಗಾವಿ: ತಾಲ್ಲೂಕಿನ ಬಂಕಾಪುರ ಪಟ್ಟಣದ ಪೇಟೆ ಮುಖ್ಯರಸ್ತೆಯಲ್ಲಿ ಶನಿವಾರ ಎರಡು ಮನೆಗಳ ಬೀಗ ಮುರಿದು ಕಳವು ಮಾಡಲಾಗಿದೆ.

ಪುರಸಭೆ ಸದಸ್ಯ ರಾಜೇಂದ್ರ ಟೊಪಣ್ಣವರ ಮನೆಯಲ್ಲಿ ₹1.10 ಲಕ್ಷ ನಗದು, ಎರಡು ಕೈಗಡಿಯಾರ, ಗಿರಿಜವ್ವ ಅರಳಿಕಟ್ಟಿ ಅವರ ಮನೆಯಲ್ಲಿ ₹1 ಸಾವಿರ ನಗದು ಕಳವು ಮಾಡಿದ ಕಳ್ಳರು ಪರಾರಿಯಾಗಿದ್ದಾರೆ.

ಘಟನಾ ಸ್ಥಳಕ್ಕೆ ಬಂಕಾಪುರ ಪೊಲೀಸ್ ಠಾಣೆಯ ಸಿಬ್ಬಂದಿ, ಶ್ವಾನದಳ ಮತ್ತು ಬೆರಳಚ್ಚುಗಾರರು ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.