ಶಿವಲಿಂಗ ಸ್ವಾಮಿಗಳ ಜಯಂತಿ ನಾಳೆ

ಹಾವೇರಿ: ನಗರದ ಹುಕ್ಕೇರಿಮಠದಲ್ಲಿ ಶಿವಲಿಂಗ ಸ್ವಾಮಿಗಳ 104ನೇ ಜಯಂತಿ ಹಾಗೂ ಶಿವಬಸವ ಸ್ವಾಮೀಜಿಗಳ ‘ಬೆಳ್ಳಿ ಮೂರ್ತಿ ಅನಾವರಣ’ ಸಮಾರಂಭವನ್ನು ಮಾರ್ಚ್‌ 3ರಂದು ಬೆಳಿಗ್ಗೆ 10 ಗಂಟೆಗೆ ಏರ್ಪಡಿಸಲಾಗಿದೆ.

ಹುಕ್ಕೇರಿಮಠದ ಶಿವಾನುಭವ ಮಂಟಪದಲ್ಲಿ ನಡೆಯುವ ಕಾರ್ಯಕ್ರಮದಲ್ಲಿ ಹೊಸರಿತ್ತಿಯ ಗುದ್ಧಲೀಶ್ವರಮಠದ ಗುದ್ಧಲೀಶ್ವರ ಸ್ವಾಮೀಜಿ ಸಾನ್ನಿಧ್ಯ ವಹಿಸುವರು. ಹುಕ್ಕೇರಿ ಮಠದ ಸದಾಶಿವ ಸ್ವಾಮೀಜಿ ಅಧ್ಯಕ್ಷತೆ ವಹಿಸುವರು. ಅತಿಥಿಗಳಾಗಿ ಶಾಸಕ ನೆಹರು ಓಲೇಕಾರ, ನಗರಸಭೆ ಅಧ್ಯಕ್ಷ ಸಂಜೀವ ನೀರಲಗಿ, ನಗರಾಭಿವೃದ್ಧಿ ಪ್ರಾಧಿಕಾರದ ಶಿವಕುಮಾರ ಸಂಗೂರ ಪಾಲ್ಗೊಳ್ಳಲಿದ್ದಾರೆ.

ಶಿಕ್ಷಕಿ ರೂಪಾ ಅಶೋಕ ಸಜ್ಜನರ ‘ನುಡಿ ನಮನ’ ಸಲ್ಲಿಸುವರು. ನಿವೃತ್ತ ಮುಖ್ಯಶಿಕ್ಷಕ ಪ್ರಕಾಶಗೌಡ ಆರ್‌.ಭಗವಂತಗೌಡರ ಮತ್ತು ನಿವೃತ್ತ ಶಿಕ್ಷಕ ಸಿದ್ಧನಗೌಡ ಆರ್‌.ಮಾಗನೂರ ಅವರನ್ನು ಸನ್ಮಾನಿಸಲಾಗುವುದು. ಶಿವಶಕ್ತಿ ಪ್ಯಾಲೇಸ್‌ನ ಮಾಲೀಕರಾದ ಕೆ.ಮಂಜಪ್ಪ ಕುಟುಂಬವರ್ಗದಿಂದ ‘ದಾಸೋಹ ಸೇವೆ’ ನಡೆಯಲಿದೆ ಎಂದು ಶ್ರೀಮಠ ಪ್ರಕಟಣೆ ತಿಳಿಸಿದೆ.