ಚಿಂಚೋಳಿ: ವೆಂಕಟೇಶ್ವರ ರಥೋತ್ಸವ

ಚಿಂಚೋಳಿ: ಪಟ್ಟಣದ ದೇವಡಿ ಬಳಿಯ ವೆಂಕಟೇಶ್ವರ ಜಾತ್ರಾ ಮಹೋತ್ಸವ ಪ್ರಯುಕ್ತ ರಥೋತ್ಸವ ಬುಧವಾರ ಸಂಜೆ 6 ಗಂಟೆಗೆ ನಡೆಯಲಿದೆ ಎಂದು ಡಾ.ಕಿಶನರಾವ್ ಕಾಟಾಪುರ ತಿಳಿಸಿದ್ದಾರೆ.

ಫೆ.6ರಿಂದ ಜಾತ್ರಾ ಮಹೋತ್ಸವ ಪ್ರಾರಂಭವಾಗಿದ್ದು, ಶ್ರೀನಿವಾಸ ಆಚಾರ್ಯ ಸೊಂಡೂರು ಅವರಿಂದ ಎರಡುದಿನ ಭಾಗವತ ಪ್ರವಚನ, ನಿತ್ಯ ಅನ್ನ ದಾಸೋಹ, ಭಜನೆ ನಿತ್ಯ ನಡೆಸಿಕೊಂಡ ಬರಲಾಗುತ್ತಿದೆ. ಸಂಜೆ 6 ಗಂಟೆಗೆ ದೇವಾಲಯದ ಎದುರಿನ ಪ್ರಾಂಗಣದಲ್ಲಿ ರಥೋತ್ಸವ ಜರುಗಲಿದೆ. ಫೆ.13ರಂದು ಅನ್ನದಾಸೋಹ ಹಾಗೂ ಪಲ್ಲಕ್ಕಿ ಮೆರವಣಿಗೆ ಹಮ್ಮಿಕೊಳ್ಳಲಾಗಿದೆ ಎಂದರು.