ಜಯದೇವ ಹೃದ್ರೋಗ ಆಸ್ಪತ್ರೆಯ ಕಲಬುರ್ಗಿ ಶಾಖೆ ಕಟ್ಟಡಕ್ಕೆ ₹33 ಕೋಟಿ: ಯಡಿಯೂರಪ್ಪ

ಕಲಬುರ್ಗಿ: ಶ್ರೀ ಜಯದೇವ ಹೃದ್ರೋಗ ವಿಜ್ಞಾನ ಮತ್ತು ಸಂಶೋಧನಾ ಸಂಸ್ಥೆಯ ಕಲಬುರ್ಗಿ ಶಾಖೆಗೆ ಸ್ವಂತಗೆ ಸ್ವಂತ ಕಟ್ಟಡಕ್ಕೆ ಮುಖ್ಯಮಂತ್ರಿ ಯಡಿಯೂರಪ್ಪ ಭೂಮಿಪೂಜೆ ನೆರವೇರಿಸಿದರು.

7.15 ಎಕರೆ ಪ್ರದೇಶದಲ್ಲಿ ₹150 ಕೋಟಿ ವೆಚ್ಚದಲ್ಲಿ ಸುಸಜ್ಜಿತ 300 ಆಸ್ಪತ್ರೆ ನಿರ್ಮಿಸಲಾಗುತ್ತಿದೆ. ಇದಕ್ಕೆ ರಾಜ್ಯ ಸರ್ಕಾರ ₹33.37 ಕೋಟಿ ಅನುದಾನ ನೀಡಲಿದೆ. ಸುಜ್ಜಿತ ಸೌಲಭ್ಯ ಹೊಂದಿದ ಹೃದ್ರೋಗ ಆಸ್ಪತ್ರೆ ಇದಾಗಲಿದ್ದು, ಇದರಿಂದ ಈ ಭಾಗದ ಜನರಿಗೆ ಅನುಕೂಲವಾಗಲಿದೆ ಎಂದು ಹೇಳಿದರು. ಸದ್ಯ ಈ ಆಸ್ಪತ್ರೆ ಇಲ್ಲಿಯ ಜಿಮ್ಸ್‌ ಕಟ್ಟಡದಲ್ಲಿ ಕಾರ್ಯನಿರ್ವಹಿಸುತ್ತಿದೆ.

₹100 ಕೋಟಿ ಅನುದಾನ: ಕಲ್ಯಾಣ ಕರ್ನಾಟಕ ಮಾನವ ಸಂಪನ್ಮೂಲ, ಕೃಷಿ ಮತ್ತು ಸಾಂಸ್ಕೃತಿಕ ಸಂಘಕ್ಕೆ ₹300 ಕೋಟಿ ಅನುದಾನ ನೀಡಲು ಒಪ್ಪಿಗೆ ಸೂಚಿಸಲಾಗಿದ್ದು, 100 ಕೋಟಿ ಅನುದಾನ ಬಿಡುಗಡೆ ಮಾಡಲಾಗಿದೆ ಎಂದು ಮುಖ್ಯಮಂತ್ರಿ ಹೇಳಿದರು.

ಕಲಬುರ್ಗಿ ನಗರಕ್ಕೆ ಕುಡಿಯುವ ನೀರು ಪೂರೈಸುವ 600 ಕೋಟಿ ಮೊತ್ತದ ಯೋಜನೆಗೂ ಅವರು ಚಾಲನೆ ನೀಡಿದರು.