ಮಹಿಳಾ ಎಂಜಿನಿಯರ್‌ ನಾಪತ್ತೆ ‍ಪ್ರಕರಣ

ಕಲಬುರ್ಗಿ: ಕೆಆರ್‌ಐಡಿಎಲ್‌ನಲ್ಲಿ ಸಹಾಯಕ ಎಂಜಿನಿಯರ್ ಆಗಿರುವ ಅಕ್ಷತಾ (27) ಎಂಬುವವರು ಒಂದು ವಾರದ ಹಿಂದೆ ನಾಪತ್ತೆಯಾಗಿದ್ದಾರೆ ಎಂದು ಪೊಲೀಸರಿಗೆ ದೂರು ನೀಡಲಾಗಿದೆ.

‘ಫೆ. 12ರಂದು ಖೂಬಾ ಪ್ಲಾಟ್‌ನಲ್ಲಿರುವ ಮನೆಯಿಂದ ಕಚೇರಿ ಕೆಲಸಕ್ಕೆ ಹೋಗುತ್ತೇನೆ ಎಂದು ಹೋದ ಅವರು ಮರಳಿ ಮನೆಗೆ ಬಂದಿಲ್ಲ. ಅತ್ತ ಕೆಲಸಕ್ಕೂ ಹಾಜರಾಗಿಲ್ಲ. ಅವರ ಮೊಬೈಲ್ ಸಂಪರ್ಕ ಕೂಡ ಸಿಗುತ್ತಿಲ್ಲ ಎಂದು ಅವರ ತಂದೆ ಬಸವರಾಜ ಮಹಿಳಾ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ’ ಎಂದು ಪೊಲೀಸರು ತಿಳಿಸಿದ್ದಾರೆ.