ಕಲಬುರ್ಗಿ: ಬಾಲಕನ ರಕ್ಷಿಸಿ ನೀರು ಪಾಲಾದ ಸರ್ಕಾರಿ ನೌಕರ

ಕಲಬುರ್ಗಿ: ಜಿಲ್ಲೆಯ ಸೇಡಂ ತಾಲ್ಲೂಕಿನ ಬಿಬ್ಬಳ್ಳಿ ಗ್ರಾಮದ ಬಳಿ ಕಾಗಿಣಾ ನದಿಯ ಬ್ರಿಡ್ಜ್ ಕಂ ಬ್ಯಾರೇಜ್ ಬಳಿ ಬೆಳಿಗ್ಗೆ ಈಜಲು ತೆರಳಿದ್ದ ಯಡಗಾ ಸರ್ಕಾರಿ ಪ್ರೌಢ ಶಾಲೆ ದ್ವಿತೀಯ ದರ್ಜೆ ಸಹಾಯಕ ನವೀನ್‌ ಕುಮಾರ್‌ (32) ನದಿ ನೀರಿನ ಸುಳಿಗೆ ಸಿಲುಕಿ ಮೃತಪಟ್ಟಿದ್ದಾರೆ.

ಬೆಳಿಗ್ಗೆ ಈಜಲು ಐದಾರು ಜನ ತೆರಳಿದ್ದರು‌. ಅದರಲ್ಲಿ ಬಾಲಕನೋರ್ವನನ್ನು ರಕ್ಷಿಸಲು ತೆರಳಿದಾಗ ನವೀನಕುಮಾರ್ ಸುಳಿಗೆ ಸಿಲುಕಿ ಮುಳುಗಿದರು‌.

ಶವ ಪತ್ತೆಯಾಗಿದ್ದು, ಮರಣೋತ್ತರ ಪರೀಕ್ಷೆ ‌ನಡೆಯುತ್ತಿದೆ.