ಚಿಂಚೋಳಿ: ಗುಡುಗು ಸಹಿತ ಮಳೆ  

ಚಿಂಚೋಳಿ: ತಾಲ್ಲೂಕಿನಲ್ಲಿ ಸೋಮವಾರ ತಡ ರಾತ್ರಿ ಗುಡುಗು‌ ಮಿಂಚು ಸಹಿತ ರಭಸದ ಮಳೆ ಸುರಿದಿದೆ.

ರಾತ್ರಿ 11.45ಕ್ಕೆ ಆರಂಭವಾದ ಮಳೆ 12.10ವರೆಗೂ ಮುಂದುವರೆದಿತ್ತು.

ಈ ಅಕಾಲಿಕ ಮಳೆ ಸುರಿದಿದ್ದು ತೊಗರಿ ರಾಶಿಗೆ ತೊಂದರೆಯಾಗಲಿದೆ. ಜೋಳದ ಬೆಳೆಯು ತೆನೆ ಬಿಟ್ಟು ಹೂವಾಡುವ ಹಂತದಲ್ಲಿ‌ದೆ. ಈ ಹಂತದಲ್ಲಿ‌ ಸುರಿದ ಮಳೆಯಿಂದ ಹೂ ಉದುರುವ ಭೀತಿ ರೈತರನ್ನು ಕಾಡುತ್ತಿದೆ.

ಕಲಬುರಗಿ ನಗರದಲ್ಲಿ ಕೂಡ ರಾತ್ರಿ 2ರ ನಂತರ ಅರ್ಧ ತಾಸು ತುಂತುರು ಮಳೆ ಸುರಿಯಿತು