ಕಲಬುರಗಿ: ಮೊದಲ ಮಳೆಯ ಸಿಂಚನ

ಕಲಬುರಗಿ: ನಗರದಲ್ಲಿ ಶನಿವಾರ ರಾತ್ರಿ 10 ನಿಮಿಷ ಮಳೆ ಸುರಿಯಿತು.‌ ಸೇಡಂ ರಸ್ತೆಯಲ್ಲಿರುವ ಗುಲಬರ್ಗಾ ವಿಶ್ವವಿದ್ಯಾಲಯದ ಪ್ರದೇಶದಲ್ಲಿ ಜೋರು ಮಳೆ ಆಗಿದೆ. ನಂತರ ಜಗತ್ ವೃತ್ತ, ಎಸ್‌ವಿಪಿ ಸರ್ಕಲ್, ಐವಾನ್ ಇ ಶಾಹಿ ಬಡಾವಣೆಯಲ್ಲಿ ಕೆಲ ಹೊತ್ತು ಮನಿಹನಿಗಳು ಬಿದ್ದವು.

ಬಹುದಿನಗಳ ನಂತರ ಸುರಿದ ‌ಮಳೆ ಇಳೆಗೆ ತಂಪೆರೆಯಿತು. ಭೂಮಿ ಹಸಿ ಹೋಗಿದ್ದರಿಂದ ರಸ್ತೆಗಳ ಮೇಲೆ ನೀರು ಹರಿದಾಡಲಿಲ್ಲ.

ಮೊದಲ ಮಳೆ ಕಂಡ ಮಕ್ಕಳು ಮನೆಯಿಂದ ಹೊರಗೆ ಬಂದು ಮಳೆಯಲ್ಲಿ ನೆನೆಯುತ್ತಾ ಖುಷಿಪಟ್ಟರು.