ಮೆಹ್ತಾ ಶಾಲೆಯಲ್ಲಿ ವಾರ್ಷಿಕ ಕ್ರೀಡಾಕೂಟ

ಕಲಬುರ್ಗಿ: ನಗರದ ಎಸ್ಆರ್‌ಎನ್‌ ಮೆಹ್ತಾ ಸಿಬಿಎಸ್‌ಇ ಶಾಲೆಯಲ್ಲಿ ಶುಕ್ರವಾರನಡೆದ 4ನೇ ವಾರ್ಷಿಕ ಕ್ರೀಡಾಕೂಟಕ್ಕೆ ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಯಡಾ ಮಾರ್ಟಿನ್‌ ಮಾರ್ಬನ್ಯಾಂಗ್‌ ಚಾಲನೆ ನೀಡಿದರು.

ನಂತರ ಮಾತನಾಡಿದ ಯಡಾ ಮಾರ್ಟಿನ್, ‘ಮಕ್ಕಳು ಈಗಿನಿಂದಲೇ ಉದಾತ್ತ ಗುರಿಯನ್ನು ಇಟ್ಟುಕೊಳ್ಳಬೇಕು. ನೀವು ವಾಸಿಸುವ ನಗರ, ರಾಜ್ಯ, ದೇಶದ ಬದಲಾವಣೆಗೆ‍ಪ್ರಯತ್ನಿಸಬೇಕು. ಐಪಿಎಸ್‌ ಮಾಡಿದರೆ ಪೊಲೀಸ್‌ ಅಧಿಕಾರಿಯಾಗಿ ಸಮಾಜದಲ್ಲಿ ಉತ್ತಮ ಕೆಲಸ ಮಾಡಲು ಸಾಧ್ಯವಾಗುತ್ತದೆ. ಈಗನಿಂದಲೇ ಕಠಿಣ ಓದನ್ನು ರೂಢಿಸಿಕೊಳ್ಳಬೇಕು. ದೇಹ ದಣಿಯುವಂತೆ ಆಟವಾಡಬೇಕು. ಅಂದುಕೊಂಡ ಗುರಿಯನ್ನು ಸಾಧಿಸಲು ಸದಾ ಪ್ರಯತ್ನಿಸಬೇಕು’ ಎಂದರು.

ಶಾಲಾ ಆಡಳಿತ ಮಂಡಳಿಯ ಮ್ಯಾನೇಜಿಂಗ್‌ ಟ್ರಸ್ಟಿ ಚಕೋರ್‌ ಮೆಹ್ತಾ, ಪ್ರಾಂಶುಪಾಲ ರಾಜಶೇಖರ ರೆಡ್ಡಿ ಇದ್ದರು.

ಕ್ರೀಡಾಕೂಟದ 6ನೇ ತರಗತಿ ವಿದ್ಯಾರ್ಥಿಗಳು ಮಾನವ ಪಿರಮಿಡ್‌ ರಚಿಸಿ ಗಮನ ಸೆಳೆದರು. ಡಿಸೆಂಬರ್‌ 1ರವರೆಗೆ ಕ್ರೀಡಾಕೂಟ ನಡೆಯಲಿದೆ.