ಚಿಂಚೋಳಿ: ಪ್ರೌಢಶಾಲೆಗಳಲ್ಲಿ ಸರಣಿ ಕಳ್ಳತನ

ಚಿಂಚೋಳಿ: ತಾಲ್ಲೂಕಿನ ಹಸರಗುಡಂಗಿ ಹಾಗೂ ಐನೋಳ್ಳಿ ಸರ್ಕಾರಿ ಪ್ರೌಢಶಾಲೆಗಳಲ್ಲಿ ಕಳ್ಳತನ
ನಡೆದಿದೆ.

ಶನಿವಾರ ತಡರಾತ್ರಿ ಘಟನೆ ನಡೆದಿದ್ದು, ನಾಗಾ ಇದಲಾಯಿ ಪ್ರೌಢಶಾಲೆಯ ಕೀಲಿ ಮುರಿದು ಶೋಧ ನಡೆಸಿದ್ದಾರೆ.

ಹಸರಗುಂಡಗಿ ಪ್ರೌಢಶಾಲೆಯಲ್ಲಿ 8 ಬ್ಯಾಟರಿ, ಐನೋಳ್ಳಿ ಪ್ರೌಢಶಾಲೆಯಲ್ಲಿ 8 ಬ್ಯಾಟರಿಯ ಜತೆಗೆ ಸಿಸಿ ಕ್ಯಾಮೆರಾಗಳ ರೆಕಾರ್ಡಿಂಗ್‌ ಸಂಗ್ರಹಣೆಯ ಡಿವಿಆರ್ ದೋಚಿದ್ದಾರೆ. ನಾಗಾಈದಲಾಯಿ ಗ್ರಾಮದಲ್ಲಿ ಬ್ಯಾಟರಿಗಳಿಲ್ಲದ ಕಾರಣ ಅಲ್ಲಿ ಯಾವ ವಸ್ತುಗಳೂ ಕಳ್ಳತನವಾಗಿಲ್ಲ.

ಸೋಮವಾರ ಶಾಲೆಗೆ ಬಂದು ನೋಡಿದಾಗ ಕಳ್ಳತನ ಬೆಳಕಿಗೆ ಬಂದಿದೆ. ಉಭಯ ಶಾಲೆಗಳ ಮುಖ್ಯಶಿಕ್ಷಕರ ದೂರು ಆಧರಿಸಿ ಚಿಂಚೋಳಿ ಠಾಣೆಯಲ್ಲಿ ಸಬ್ ಇನ್ಸ್‌ಪೆಕ್ಟರ್‌ ಮಂಜುನಾಥರೆಡ್ಡಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.