ಅರಮಣಮಾಡ ಕೊಡವ ಕೌಟುಂಬಿಕ ಕ್ರಿಕೆಟ್ ಟೂರ್ನಿ: ಕುಟ್ಟಂಡ ತಂಡಕ್ಕೆ ಭರ್ಜರಿ ಜಯ

ಗೋಣಿಕೊಪ್ಪಲು: ಸಮೀಪದ ಬಾಳೆಲೆ ವಿಜಯಲಕ್ಷ್ಮಿ ಪದವಿಪೂರ್ವ ಕಾಲೇಜಿನ ಮೈದಾನದಲ್ಲಿ ನಡೆಯುತ್ತಿರುವ ಅರಮಣಮಾಡ ಕೊಡವ ಕೌಟುಂಬಿಕ ಕ್ರಿಕೆಟ್ ಟೂರ್ನಿಯಲ್ಲಿ ಬುಧವಾರ ಅಮ್ಮತ್ತಿಕಾರ್ಮಾಡುವಿನ ಕುಟ್ಟಂಡ ತಂಡ ನಾಪೋಕ್ಲು ಕಳ್ಳೇಂಗಡ ತಂಡದ ವಿರುದ್ಧ 108 ರನ್ ಗಳ ಭರ್ಜರಿ ಜಯ ಸಾಧಿಸಿತು.

ನಿಗದಿತ 5 ಓವರ್‌ಗಳಲ್ಲಿ ಕುಟ್ಟಂಟ ತಂಡ ಯಾವುದೇ ವಿಕೇಟ್ ನಷ್ಟವಿಲ್ಲದೆ 147 ರನ್ ಗಳಿಸಿತ್ತು. ಗೆಲುವಿನ ಗುರಿ ಬೆನ್ನು ಹತ್ತಿದ ಕಳ್ಳೇಂಗಡ ತಂಡ ನಿಗದಿತ 5 ಓವರ್‌ಗಳಲ್ಲಿ 6 ವಿಕೆಟ್ ಕಳೆದುಕೊಂಡು ಕೇವಲ 39 ರನ್ ಗಳಿಸಲಷ್ಟೇ ಶಕ್ತವಾಯಿತು.

ಪಾಸುರ ತಂಡ ಕಂಜಿತಂಡ ತಂಡದ ವಿರುದ್ಧ 7 ವಿಕೆಟ್‌ಗಳಿಂದ ಜಯ ಗಳಿಸಿತು. ಮೊದಲು ಬ್ಯಾಟ್ ಮಾಡಿದ ಕಂಜಿತಂಡ ನಿಗದಿತ 8 ಓವರ್‌ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 109 ರನ್ ಗಳಿಸಿತ್ತು. ಗೆಲುವಿನ ಗುರಿ ಬೆನ್ನು ಹತ್ತಿದ ಪಾಸುರ ತಂಡ ಅಷ್ಟೇ ಓವರ್ ಗಳಲ್ಲಿ 3 ವಿಕೆಟ್ ಕಳೆದುಕೊಂಡು 113 ರನ್ ಗಳಿಸಿ ಗೆಲುವಿನ ನಗೆ ಬೀರಿತು.

ಅಡ್ಡೇಂಗಡ ತಂಡ ಬೇಗೂರು ಕಳ್ಳೇಂಗಡ ತಂಡವನ್ನು 9 ವಿಕೆಟ್‌ಗಳಿಂದ ಮಣಿಸಿತು. ಕಳ್ಳೇಂಗಡ ತಂಡ 5 ವಿಕೆಟ್ ಕಳೆದುಕೊಂಡು ಕೇವಲ 47 ರನ್ ಗಳಿಸಿತ್ತು. ಗುರಿ ಬೆನ್ನತ್ತಿದ ಅಡ್ಡೇಂಗಡ ತಂಡ ಕೇವಲ 4.1 ಓವರ್ ಗಳಲ್ಲಿಯೇ 1 ವಿಕೆಟ್ ಕಳೆದುಕೊಂಡು ಗುರಿ ತಲುಪಿತು.

ಮುದ್ದಿಯಡ ತಂಡ ಕೊಟ್ಟುಕತ್ತೀರ ತಂಡದ ವಿರುದ್ಧ 48 ರನ್ ಗಳಿಂದ ಗೆಲುವು ದಾಖಲಿಸಿತು. ಮುದ್ದಿಯಡ 2 ವಿಕೆಟ್‌ಗೆ 92 ರನ್ ಗಳಿಸಿತ್ತು. ಗುರಿ ಬೆನ್ನತ್ತಿದ ಕೊಟ್ಟುಕತ್ತೀರ 7 ವಿಕೆಟ್ ಕಳೆದುಕೊಂಡು ಕೇವಲ 44 ರನ್ ಗಳಿಸಿ ಸೋಲಪ್ಪಿಕೊಂಡಿತು.

ಮಾಣೀರ ತಂಡ ಕಾಯಪಂಡ ವಿರುದ್ಧ 7 ವಿಕೆಟ್‌ಗಳಿಂದ ಜಯ ಗಳಿಸಿತು. ಕಾಯಪಂಡ ತಂಡ ನೀಡಿದ 91 ರನ್‌ಗಳ ಗುರಿಯನ್ನು ಬೆನ್ನತ್ತಿದ ಮಾಣೀರ ತಂಡ 3 ವಿಕೆಟ್ ಕಳೆದುಕೊಂಡು ಗುರಿ ತಲಪಿತು.

ಐಚಂಡ ತಂಡವು ಮರುವಂಡ ವಿರುದ್ಧ 9 ರನ್‌ಗಳಿಂದ ರೋಚಕ ಗೆಲುವು ಪಡೆಯಿತು. ಐಚಂಡ 4 ವಿಕೆಟ್ ನಷ್ಟಕ್ಕೆ 91 ರನ್ ಗಳಿಸಿದರೆ ಮರುವಂಡ 3 ವಿಕೆಟ್ ಕಳೆದುಕೊಂಡು 83 ರನ್ ಗಳಿಸಿ ಗೆಲುವಿನ ಹೊಸ್ತಿಲಲ್ಲಿ ಎಡವಿತು.

ಚಿಯಕಪೂವಂಡ ತಂಡವು ಮೇವಡ ತಂಡದ ಎದುರು 9 ವಿಕೆಟ್‌ಗಳಿಂದ ಗೆಲುವು ದಾಖಲಿಸಿತು. ಅಳಮೇಂಗಡ ತಂಡ 9 ವಿಕೆಟ್‌ಗಳಿಂದ ಬಲ್ಲಿಮಾಡ ತಂಡವನ್ನು ಮಣಿಸಿತು. ಮಣವಟ್ಟೀರ ಕುಂಙಂಗಡ ತಂಡದ ವಿರುದ್ಧ 9 ವಿಕೆಟ್‌ಗಳ ಗೆಲುವು ಪಡೆಯಿತು. ಚೊಟ್ಟೆಂಗಡ ಹಾಗೂ ಮುದ್ದೀರ ತಂಡ ವಾಕ್ ಓವರ್ ಪಡೆದವು.

ಮಹಿಳಾ ವಿಭಾಗ: ಮಹಿಳಾ ವಿಭಾಗದಲ್ಲಿ ಅಜ್ಜಿಕಟ್ಟೀರ ತಂಡ ಮುದ್ದಿಯಡ ತಂಡದ ಎದುರು 16 ರನ್‌ಗಳ ಅಂತರದಿಂದ ಗೆಲುವು ದಾಖಲಿಸಿತು. ಮೊದಲು ಬ್ಯಾಟ್ ಮಾಡಿದ ಅಜ್ಜಿಕುಟ್ಟೀರ ತಂಡ ನಿಗದಿತ 5 ಓವರ್‌ಗಳಲ್ಲಿ 1 ವಿಕೆಟ್‌ಗೆ 42 ರನ್ ಗಳಿಸಿತು. ಗೆಲುವಿನ ಗುರಿ ಬೆನ್ನು ಹತ್ತಿದ ಮರುವಂಡ ಕೇವಲ 26 ರನ್ ಗಳಿಸಲಷ್ಟೇ ಶಕ್ತವಾಯಿತು.

ಅಚ್ಚಕಾಳೇರ ತಂಡ ಕಾಯಪಂಡ ತಂಡದ ವಿರುದ್ಧ 7 ವಿಕೆಟ್‌ಗಳಿಂದ ಗೆಲುವು ಪಡೆಯಿತು. ಮೇವಡ ತಂಡ ತೆಕ್ಕಡ ವಿರುದ್ಧ 17 ರನ್‌ಗಳಿಂದ ಗೆಲುವು ಪಡೆಯಿತು.

ದಿನದಿಂದ ದಿನಕ್ಕೆ ಕಳೆಗಟ್ಟುತ್ತಿರುವ ಕ್ರಿಕೆಟ್ ಟೂರ್ನಿ ಹಲವು ತಂಡಗಳಿಂದ ಉತ್ತಮ ಪ್ರದರ್ಶನ