ಮಳೆ: ಮುಂಜಾಗ್ರತಾ ಸಭೆ

ಸಿದ್ದಾಪುರ: ಎಡೆಬಿಡದೆ ಸುರಿಯುತ್ತಿರುವ ಮಳೆ ಹಿನ್ನೆಲೆಯಲ್ಲಿ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳುವ ನಿಟ್ಟಿನಲ್ಲಿ ಇಲ್ಲಿನ ಪೊಲೀಸ್ ಠಾಣಾಧಿಕಾರಿ ಮಂಜುನಾಥ್ ನೇತೃತ್ವದಲ್ಲಿ ಸಭೆ ನಡೆಸಲಾಯಿತು.

ಪ್ರಕೃತಿ ವಿಕೋಪ ಎದುರಾದರೆ ಕೈಗೊಳ್ಳಬೇಕಾದ ಕ್ರಮಗಳ ಬಗ್ಗೆ ಮಂಜುನಾಥ್ ವಿವರಿಸಿದರು.

ಠಾಣಾ ವ್ಯಾಪ್ತಿಯಲ್ಲಿರುವ ಈಜುಗಾರರು, ಜೆ.ಸಿ.ಬಿ, ಕ್ರೇನ್, ಮರ ಕತ್ತರಿಸುವವರು, ಜೀಪು ಮಾಲೀಕರು, ಸ್ವಯಂ ಸೇವಕರ ಮಾಹಿತಿ ಪಡೆದು, ಚರ್ಚಿಸಲಾಯಿತು.

ಅಪರಾಧ ವಿಭಾಗದ ಠಾಣಾಧಿಕಾರಿ ಶಿವಣ್ಣ, ಗ್ರಾ.ಪಂ ಸದಸ್ಯರು, ವಿವಿಧ ಸಂಘ ಸಂಸ್ಥೆಗಳ ಪ್ರತಿನಿಧಿಗಳು ಹಾಜರಿದ್ದರು.