ಮದ್ದು, ಗುಂಡು ಸಂಗ್ರಹ: ಪತ್ತೆ

ಮುಳಬಾಗಲು: ತಾಲ್ಲೂಕಿನ ದೇವರಾಯಸಮುದ್ರ ಗ್ರಾಮದ ಸಮೀಪ ಬಂಡೆ ಒಡೆಯಲು ಅಕ್ರಮವಾಗಿ ಸಂಗ್ರಹಿಸಿದ್ದ ಮದ್ದು ಗುಂಡುಗಳನ್ನು ಕಂದಾಯ ಇಲಾಖೆ ಸಿಬ್ಬಂದಿ ಶುಕ್ರವಾರ ವಶಪಡಿಸಿಕೊಂಡಿದ್ದಾರೆ.

ಸರ್ವೇ ನಂಬರ್ 199ರಲ್ಲಿ ವ್ಯಕ್ತಿಯೊಬ್ಬ ಬಂಡೆ ಸೀಳಲು ಬಳಸುತ್ತಿದ್ದ ಮದ್ದು ಗುಂಡಿನಿಂದ ಸುತ್ತಮುತ್ತಲ ಗ್ರಾಮಗಳ ವಾತಾವರಣಕ್ಕೆ ಧಕ್ಕೆಯಾಗಿತ್ತು. ಈ ಕುರಿತು ಬಂದ ದೂರಿನ ಮೇಲೆ ದಾಳಿ ನಡೆಸಿ ಕ್ರಮ ತೆಗೆದುಕೊಳ್ಳಲಾಗಿದೆ ತಹಶೀಲ್ದಾರ್ ಡಿ.ವಿ.ರಾಮಮೂರ್ತಿ ತಿಳಿಸಿದ್ದಾರೆ.

ಇದೇ ವೇಳೆ  ಅಕ್ರಮ ಮರಳು ಫೀಲ್ಟರಿಂಗ್ ನಡೆಸುತ್ತಿದ್ದ ಐದು ಕೇಂದ್ರಗಳ ಮೇಲೆ ದಾಳಿ ನಡೆಸಿ, ಎರಡು ಲಾರಿಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.