ದೇವಾಲಯದಲ್ಲಿ ಕಳವಿಗೆ ಯತ್ನ

ಮುಳಬಾಗಿಲು: ನಗರದ ಅಂಜನೇಯಸ್ವಾಮಿ ದೇವಾಲಯದ ಆವರಣದಲ್ಲಿರುವ ಗೋವಿಂದರಾಜಸ್ವಾಮಿ ದೇಗುಲದ ಬೀಗ ಮುರಿದು ಕಳವಿಗೆ ಯತ್ನಿಸಿದ ಆರೋಪಿಯನ್ನು ಭಾನುವಾರ ಬಂಧಿಸಲಾಗಿದೆ.

ನಾರಾಯಣಪ್ಪ ಬಂಧಿತ.ದೇವಾಲಯದಲ್ಲಿ ಶಬ್ದ ಬಂದ ನಂತರ ಹೊರಗಡೆ ಮಲಗಿದ್ದ ಕಾವಲುಗಾರ ಶೋಭನ್‌ ಕುಮಾರ್ ಎಚ್ಚೆತ್ತು ದೇವಾಲಯದ ಬಳಿ ಹೋದಾಗ ಕಳವಿಗೆ ಮುಂದಾಗಿದ್ದ ಆರೋಪಿ ಸಿಕ್ಕಿ ಬಿದ್ದಿದ್ದಾನೆ. ಆತನನ್ನು ಹಿಡಿದು ದೇವಾಲಯದ ಆಡಳಿತಾಧಿಕಾರಿ ಚಲುವಸ್ವಾಮಿ ಅವರ ಗಮನಕ್ಕೆ ತಂದರು. ಅವರು ತಕ್ಷಣ ನಗರ ಪೊಲೀಸರಿಗೆ ಮಾಹಿತಿ ನೀಡಿದರು.

ತಹಶೀಲ್ದಾರ್ ಕೆ.ಎನ್. ರಾಜಶೇಖರ್ ಸ್ಥಳಕ್ಕೆ ಭೇಟಿ ನೀಡಿ ‍ಪರಿಶೀಲಿಸಿದರು. ಸಬ್ ಇನ್‌ಸ್ಪೆಕ್ಟರ್ ಸೀತಪ್ಪ ಪ್ರಕರಣ ದಾಖಲಿಸಿಕೊಂಡು ತನಿಖೆಕೈಗೊಂಡಿದ್ದಾರೆ.