ಅಕ್ರಮ ಗಾಂಜಾ ಸಾಗಾಟ: 10 ಕೆಜಿ ಒಣ ಗಾಂಜಾ ವಶ

ಬಂಗಾರಪೇಟೆ: ಅಕ್ರಮವಾಗಿ ಗಾಂಜಾ ಸಾಗಾಟ ಮಾಡುತ್ತಿದ್ದ ವ್ಯಕ್ತಿಯನ್ನು ಅಬಕಾರಿ ಇಲಾಖೆ ಅಧಿಕಾರಿಗಳು ಬಂಗಾರಪೇಟೆ-ಕೋಲಾರ ರಸ್ತೆಯ ಪಾಕರಹಳ್ಳಿ ಗ್ರಾಮದ ಬಳಿ ಸೋಮವಾರ ರಾತ್ರಿ ಬಂಧಿಸಿ, ಸುಮಾರು 10 ಕೆಜಿ ಒಣ ಗಾಂಜಾವನ್ನು ವಶಪಡಿಸಿಕೊಂಡಿದ್ದಾರೆ.

ಬೆಂಗಳೂರಿನ ಎಲ್.ಆರ್.ನಗರದ ನಿವಾಸಿ ಮೊಹಮ್ಮದ್ ಸಾಹುಲ್ (22) ಬಂಧಿತ ಆರೋಪಿ. 

ಬೆಂಗಳೂರು ದಕ್ಷಿಣ ವಿಭಾಗದ ಅಬಕಾರಿ ಜಂಟಿ ಆಯುಕ್ತರ ಆದೇಶದಂತೆ, ಕೋಲಾರ ಜಿಲ್ಲಾ ಅಬಕಾರಿ ಉಪ ಆಯುಕ್ತರ ನಿರ್ದೇಶನದಲ್ಲಿ ಬಂಗಾರಪೇಟೆ ವಲಯ ಅಧಿಕಾರಿಗಳು ಕಾರ್ಯಾಚರಣೆ ನಡೆಸಿ ಆರೋಪಿಯನ್ನು ಗಾಂಜಾ ಸಮೇತ ಬಂಧಿಸಿ, ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.

ಕಾರ್ಯಾಚರಣೆಯಲ್ಲಿ ಅಬಕಾರಿ ನಿರೀಕ್ಷಕ ಅರುಣ್ ಕುಮಾರ್, ಉಪನಿರೀಕ್ಷಕರಾದ ಶಿವಾನಂದು ಮತ್ತು ಅನಿಲ್, ಸಿಬ್ಬಂದಿ ಮಂಜುನಾಥ್, ಶಿವಶಂಕರ್, ನವೀನ್ ಮತ್ತು ಭರತ್ ಭಾಗವಹಿಸಿದ್ದರು.