ಮಾಲೂರು ಪಿಯು ಕಾಲೇಜು ಆವರಣದಲ್ಲಿ ಐಪಿಎಲ್ ಪಂದ್ಯ ಲೈವ್ ಸ್ಕ್ರೀನಿಂಗ್

ಮಾಲೂರು: ಇಲ್ಲಿನ ಸರ್ಕಾರಿ ಪಿಯು ಕಾಲೇಜು (ಹೋಂಡಾ ಸ್ಟೇಡಿಯಂ) ಆವರಣದಲ್ಲಿ ಮಾಲೂರಿನಲ್ಲಿರುವ ಆರ್‌ಸಿಬಿ ಅಭಿಮಾನಿಗಳು ಐಪಿಎಲ್ ಫೈನಲ್ ಪಂದ್ಯ ವೀಕ್ಷಿಸಲು ಲೈವ್ ಸ್ಕ್ರೀನಿಂಗ್ ವ್ಯವಸ್ಥೆ ಮಾಡಲಾಗಿದೆ. 

ಈ ಕುರಿತು ಪ್ರತಿಕ್ರಿಯಿಸಿದ ರಾಜ್ಯ ಕಾಂಗ್ರೆಸ್ ಯುವ ಪ್ರಧಾನ ಕಾರ್ಯದರ್ಶಿ ಸುನೀಲ್ ನಂಜೇಗೌಡ, ‘ಆರ್‌ಸಿಬಿ ಅಭಿಮಾನಿಗಳ ಬಹುದಿನಗಳ ಕನಸು‌ ಇಂದು ನನಸಾಗಲಿದೆ. 18 ವರ್ಷಗಳ ಕಾಯುವಿಕೆಗೆ ಇಂದು ಫಲ ಸಿಗುವ ವಿಶ್ವಾಸವಿದೆ’ ಎಂದು ತಿಳಿಸಿದರು. 

ಆರ್‌ಸಿಬಿ ಕ್ರಿಕೆಟ್ ಪಂದ್ಯಾವಳಿ ವೀಕ್ಷಿಸಲು ಪಟ್ಟಣದ ಯುವ ಜನತೆ ಪದವಿ ಪೂರ್ವ ಕಾಲೇಜಿನ ಆಟದ ಮೈದಾನದಲ್ಲಿ ಭಾರಿ ಜನಸಮೂಹ ನೆರೆದಿತ್ತು. ಪ್ರತಿಯೊಂದು ಬಾಲ್‌ ಹಾಕಿದಾಗಲೂ ಸಿಳ್ಳೆ , ಚಪ್ಪಾಳೆ ಹೊಡೆದು ಆನಂದಿಸಿದರು.