ಕೆಜಿಎಫ್‌ | ಗಾಂಜಾ ಮಾರಾಟ: ಆರೋಪಿ ಬಂಧನ

ಕೆಜಿಎಫ್‌: ರಾಬರ್ಟಸನ್ ಪೇಟೆ ಪೊಲೀಸರು ಗಾಂಜಾ ಮಾರಾಟ ಮಾಡುತ್ತಿದ್ದ ಆರೋಪಿಯನ್ನು ಗುರುವಾರ ಬಂಧಿಸಿ ಎಂಟು ಕೆ.ಜಿ ಗಾಂಜಾ ವಶಪಡಿಸಿಕೊಂಡರು.

ಮಂಗಳೂರು ಮೂಲದ ಮಹಮದ್‌ ಆಶ್ರಫ್‌ ಟಾಟಾ ಪಿಕಪ್‌ ವಾಹನದಲ್ಲಿ ಗಾಂಜಾ ಮಾರಾಟ ಮಾಡಲು ಯತ್ನಿಸುತ್ತಿದ್ದ ಎಂಬ ಮಾಹಿತಿ ಪಡೆದ ಪೊಲೀಸರು ಕಾರ್ಯಾಚರಣೆ ನಡೆಸಿ ಆರೋಪಿಯನ್ನು ಬಂಧಿಸುವಲ್ಲಿ ಯಶಸ್ವಿಯಾದರು. ಆರೋಪಿ ಕೃತ್ಯಕ್ಕೆ ಬಳಸಿದ ವಾಹನ ಕೂಡ ಜಪ್ತಿ ಮಾಡಲಾಗಿದೆ.

ಕಾರ್ಯಾಚರಣೆಯಲ್ಲಿ ಸರ್ಕಲ್‌ ಇನ್‌ಸ್ಪೆಕ್ಟರ್‌ ನವೀನ್‌, ಸಿಬ್ಬಂದಿ ಗೋಪಿನಾಥ್‌, ಗೋಪಾಲಕೃಷ್ಣ, ರಾಮಾಂಜನೇಯಪ್ಪ, ರಘು, ಮುರಳಿ, ವಿನೋದ್‌ ಕುಮಾರ್‌, ಗಜೇಂದ್ರ, ಬಸವರಾಜ ಕಾಂಬ್ಳೆ ಮತ್ತು ಜೆ.ಸತ್ಯಪ್ರಕಾಶ್‌ ಭಾಗವಹಿಸಿದ್ದರು.