ಗ್ರಾ.ಪಂ ಕಾಂಗ್ರೆಸ್‌ ಮುಕ್ತವಾಗಿಸಿ

ಕೋಲಾರ: ‘ಗ್ರಾಮ ಪಂಚಾಯಿತಿಗಳು ಕಾಂಗ್ರೆಸ್ ಮುಕ್ತವಾಗಬೇಕು. ಇದು ಪ್ರಧಾನಿ ನರೇಂದ್ರ ಮೋದಿಯವರ ಕನಸು. ಚುನಾವಣೆಯಲ್ಲಿ ರಾಜ್ಯದ ಗ್ರಾ.ಪಂಗಳನ್ನು ಕಾಂಗ್ರೆಸ್ ಮುಕ್ತ ಪಂಚಾಯಿತಿಗಳಾಗಿ ಮಾಡಬೇಕು’ ಎಂದು ಬಿಜೆಪಿ ರಾಜ್ಯ ಘಟಕದ ಅಧ್ಯಕ್ಷ ನಳಿನ್‌ಕುಮಾರ್ ಕಟೀಲ್ ಚುನಾವಣಾ ರಣಕಹಳೆ ಮೊಳಗಿಸಿದರು.

ಇಲ್ಲಿ ಸೋಮವಾರ ನಡೆದ ಬಿಜೆಪಿಯ ಗ್ರಾಮ ಸ್ವರಾಜ್ ಸಮಾವೇಶ ಉದ್ಘಾಟಿಸಿ ಮಾತನಾಡಿ. ‘ಭಾರತವು ಕಾಂಗ್ರೆಸ್‌ ಮುಕ್ತ ದೇಶವಾಗಬೇಕೆಂಬ ಮೋದಿಯವರ ಕನಸು ಈಡೇರಿದೆ. ಕರ್ನಾಟಕ ರಾಜ್ಯವು ಕಾಂಗ್ರೆಸ್ ಮುಕ್ತವಾಗಬೇಕೆಂಬ ಕನಸು ಸಹ ಸಾಕಾರಗೊಂಡಿದೆ. ಮೋದಿಯವರ ಕಟ್ಟಕಡೆಯ ಕನಸಾದ ಕಾಂಗ್ರೆಸ್‌ ಮುಕ್ತ ಗ್ರಾ.ಪಂಗಳ ಆಶಯ ಈಡೇರಿಸಿ’ ಎಂದು ಹೇಳಿದರು.