ಸೂಲಿಕುಂಟೆ ಗ್ರಾಮ ಪಂಚಾಯಿತಿಗೆ ನೂತನ ಸಾರಥಿ

ಬಂಗಾರಪೇಟೆ: ತಾಲ್ಲೂಕಿನ ಸೂಲಿಕುಂಟೆ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಸ್ಥಾನಕ್ಕೆ ಶನಿವಾರ ನಡೆದ ಚುನಾವಣೆಯಲ್ಲಿ ಸಿದ್ದನಹಳ್ಳಿ ಗ್ರಾಮದ ಪಂಚಾಯಿತಿ ಸದಸ್ಯೆ ವನಿತಾ ಮಂಜುನಾಥ ಅಧ್ಯಕ್ಷರಾಗಿ ಅವಿರೋಧವಾಗಿ ಆಯ್ಕೆಯಾದರು.

ಗ್ರಾಮ ಪಂಚಾಯಿತಿ ಅಧ್ಯಕ್ಷ ವಿರುದ್ಧ ಅವಿಶ್ವಾಸ ನಿರ್ಣಯದಿಂದ ತೆರವಾಗಿದ್ದ ಸ್ಥಾನಕ್ಕೆ ನಡೆದ ಚುನಾವಣೆಗೆ ವನಿತಾ ಮಂಜುನಾಥ ಮಾತ್ರ ನಾಮಪತ್ರ ಸಲ್ಲಿಸಿದ್ದರು. ಚುನಾವಣಾಧಿಕಾರಿ ಆಗಿ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆ ಎಂಜಿನಿಯರ್ ರವಿಚಂದ್ರ ಕಾರ್ಯ ನಿರ್ವಹಿಸಿದರು.

ಪಿಡಿಒ ಶಂಕರ್ ಸಿದ್ದನಹಳ್ಳಿ, ಬುಲೆಟ್ ನಾಗರಾಜ್, ಶ್ರೀಕಾಂತ್, ಆನಂದ್, ಗ್ರಾ.ಪಂ.ಉಪಾಧ್ಯಕ್ಷೆ ನಾಗಮ್ಮ, ಸದಸ್ಯ ಎಸ್.ಸಿ.ಯಲ್ಲಯ್ಯ, ಎಸ್.ಎ.ವನಿತಾ, ಕೆ.ಎನ್.ಆನಂದ್, ಆರ್.ಅಂಬರೀಶ್, ಎಂ.ಕೃಷ್ಣಪ್ಪ, ಶ್ರೀನಿವಾಸ್, ಯಲ್ಲಮ್ಮ, ಜಬೀನಾ ತಾಜ್, ಎಸ್.ಎಂ.ಶ್ರೀನಿವಾಸಪ್ಪ, ರೂಪಾ, ಎಚ್.ಎನ್.ಮಂಜುನಾಥ್, ಶಾರದಮ್ಮ, ವೆಂಕಟಲಕ್ಷ್ಮಮ್ಮ ಹಾಗೂ ಗ್ರಾ ಪಂ ಸಿಬ್ಬಂದಿ ಇದ್ದರು.