ಕಾರಟಗಿ: ಜೂಜಾಟವಾಡುತ್ತಿದ್ದ 14 ಜನರ ಬಂಧನ

ಕಾರಟಗಿ: ತಾಲ್ಲೂಕಿನ ಬೂದಗುಂಪಾ, ತಿಮ್ಮಾಪುರದ ಜೂಜಾಟದ ಅಡ್ಡೆಗಳ ಮೇಲೆ ಪೊಲೀಸರು ಶುಕ್ರವಾರ ದಾಳಿ ನಡೆಸಿ 14 ಜನರನ್ನು ಬಂಧಿಸಿದ್ದಾರೆ.

ಖಚಿತ ಮಾಹಿತಿ ಆಧರಿಸಿ ಗಂಗಾವತಿ ಡಿವೈಎಸ್ಪಿ ರುದ್ರೇಶ ಉಜ್ಜನಿಕೊಪ್ಪ, ಸಬ್‌ ಇನ್‌ಸ್ಪೆಕ್ಟರ್‌ಗಳಾದ ಮಲ್ಲಪ್ಪ (ಕಾರಟಗಿ), ದೊಡ್ಡಪ್ಪ (ಗಂಗಾವತಿ ಗ್ರಾಮೀಣ) ಮತ್ತು ಸಿಬ್ಬಂದಿ ದಾಳಿ ನಡೆಸಿ ₹30,480, ಜೂಜಾಟ ಸಾಮಗ್ರಿ ವಶಪಡಿಸಿಕೊಂಡಿದ್ದಾರೆ. ಕಾರಟಗಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.