ಕಾರಟಗಿ: ಟ್ಯಾಕ್ಟರ್‌ ಡಿಕ್ಕಿ- ಯುವಕ ಸಾವು

ಕಾರಟಗಿ: ರಸ್ತೆಯಲ್ಲಿ ತೆರಳುತ್ತಿದ್ದ ಯುವಕಗೆ ಹಿಂದಿನಿಂದ ಬಂದ ಟ್ರ್ಯಾಕ್ಟರ್‌ ಡಿಕ್ಕಿ ಹೊಡೆದು ಯುವಕನೊಬ್ಬ ಸ್ಥಳದಲ್ಲೇ ಮೃತಪಟ್ಟ ಘಟನೆ ತಾಲ್ಲೂಕಿನ ಕಕ್ಕರಗೋಳ- ಸಿದ್ದಾಪುರ ರಸ್ತೆಯ ಉಳೇನೂರ ಹಳ್ಳದ ಬಳಿ ಬುಧವಾರ ಜರುಗಿದೆ.

ಮಲ್ಲಿಕಾರ್ಜುನ ವೀರಣ್ಣ ನಾಯಕ (20) ಮೃತಪಟ್ಟವರು.

ಮಲ್ಲಿಕಾರ್ಜುನ ಕಕ್ಕರಗೋಳನಿಂದ ಉಳೇನೂರಿಗೆ ಹೊರಟಿದ್ದ. ಈ ವೇಳೆ ಹಿಂದಿನಿಂದ ವೇಗವಾಗಿ ಬಂದ ಟ್ರ್ಯಾಕ್ಟರ್‌ ಡಿಕ್ಕಿ ಹೊಡೆದು ಪಲ್ಟಿಯಾಗಿ ಬಿದ್ದಿದೆ. ಟ್ರ್ಯಾಕ್ಟರ್‌ ಎಂಜಿನ್‌ ಮೇಲೆ ಬಿದ್ದಿದ್ದರಿಂದ ಬಲವಾದ ಗಾಯವಾಗಿ ಮೃತಪಟ್ಟಿದ್ದಾರೆ ಎಂದು ಪೊಲೀಸ್‌ ಮೂಲಗಳು ತಿಳಿಸಿವೆ.

ಟ್ರ್ಯಾಕ್ಟರ್‌ ಚಾಲಕ ಪರಾರಿಯಾಗಿದ್ದಾನೆ. ಕಾರಟಗಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.