ಕೊಪ್ಪಳ | ಬಾಲಕಿ ಮೇಲೆ ಅತ್ಯಾಚಾರ ಆರೋಪ: ಯುವಕ ಬಂಧನ

ಕೊಪ್ಪಳ: ಬಾಲಕಿ ಮೇಲೆ ಅತ್ಯಾಚಾರ ಎಸಗಿ ಮತ್ತು ಜಾತಿ ನಿಂದನೆ ಮಾಡಿದ ಆರೋಪದ ಮೇಲೆ ಗುರುವಾರ ಯುವಕನನ್ನು ಪೊಲೀಸರು ಬಂಧಿಸಿದ್ದಾರೆ‌.

ತಾಲ್ಲೂಕಿನ ಗ್ರಾಮವೊಂದರ ಮಾರುತಿ ಕುರುಬರು ಎಂಬಾತನನ್ನು ಬಂಧಿಸಲಾಗಿದೆ. ಯುವಕನ ಕುಟುಂಬದವರಾದ ಈಶಪ್ಪ ಕುರುಬರು, ಹನುಮಮ್ಮ ಕುರುಬರು, ದ್ಯಾಮವ್ವ ಕುರುಬರು, ಯಮನಮ್ಮ ಕುರುಬರು ಹಾಗೂ ಹನುಮೇಶ ಕುರುಬರು ಎಂಬುವರ ಮೇಲೆಯೂ ಪ್ರಕರಣ ದಾಖಲಾಗಿದೆ.

ಆರೋಪಿ ಮಾರುತಿ ನನ್ನನ್ನು ಈಚೆಗೆ ಬಲವಂತವಾಗಿ ಮದುವೆಯಾಗಿ ಅತ್ಯಾಚಾರ ಮಾಡಿದ್ದಾನೆ. ಯುವಕನ ಕುಟುಂಬದವರು ಬಾಲಕಿಗೆ ಬುಧವಾರ ರಾತ್ರಿ ಅವಾಚ್ಯ ಶಬ್ಧಗಳಿಂದ ನಿಂದಿಸಿದ್ದಾರೆ ಎಂದು ಬಾಲಕಿಯು ತಂದೆ-ತಾಯಿಗಳೊಂದಿಗೆ ತೆರಳಿ ಪ್ರಕರಣ ದಾಖಲಿಸಿದ್ದಾಳೆ.

ಈ ಕುರಿತು ಕೊಪ್ಪಳ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.