ಆರತಿ ಬೆಳಗಿ ಮಕ್ಕಳಿಗೆ ಸ್ವಾಗತ

ಗಂಗಾವತಿ: ನಗರದ ಲಿಟಲ್ ಹಾರ್ಟ್ಸ್ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಚಿಣ್ಣರಿಗೆ ಆರತಿ ಬೆಳಗಿ, ಕುಂಕಮ ಹಚ್ಚಿ, ಅಕ್ಷತೆಯ ತಾಟಿನಲ್ಲಿ ಅಕ್ಷರಾಭ್ಯಾಸ ಮಾಡಿಸುವ ಮೂಲಕ ಗುರುವಾರ ಶಾಲೆಗೆ ಸ್ವಾಗತಿಸಲಾಯಿತು.

ಸೆಲ್ಫಿ ತೆಗೆಸಿ ಶಾಲೆಯ ಕೊಠಡಿಗಳಿಗೆ ಆಹ್ವಾನಿಸಲಾಯಿತು.

ಇದಕ್ಕೂ ಮುನ್ನ ಶಾಲೆಯ ಪಾಲಕರು ಗಣೇಶನಿಗೆ, ಸರಸ್ವತಿಗೆ ಪೂಜೆ ಸಲ್ಲಿಸಿದರು.ಶಾಲೆಯ ಕಾರ್ಯದರ್ಶಿ ಜಗನ್ನಾಥ ಆಲಂಪಲ್ಲಿ, ಮುಖ್ಯಶಿಕ್ಷಕಿ ಪ್ರಿಯಾಕುಮಾರಿ ರಿಬ್ಬನ್ ಕತ್ತರಿಸಿ ಮಕ್ಕಳನ್ನು ತರಗತಿಗಳಿಗೆ ಬರಮಾಡಿಕೊಂಡರು. ಶಿಕ್ಷಕಿಯರಾದ ಲಕ್ಷ್ಮಿ, ಗೀತಾ, ರಚನಾ, ಶಾರದಾ, ಖಾಜಾ ಬಾನಿ, ದೀಪಾ, ನಾಗರತ್ನ, ಶಿಲ್ಪಾ ಸಂಡೂರ ಉಪಸ್ಥಿತರಿದ್ದರು.