ಕಟ್ಟೆ ಮೇಲಿಂದ ಜಾರಿ ಬಿದ್ದು ಮಹಿಳೆ ಸಾವು

ಕಾರಟಗಿ: ಮನೆ ಮುಂದಿರುವ ಕಟ್ಟೆಯ ಮೇಲಿಂದ ಬಿದ್ದು ತೀವ್ರ ಗಾಯಗೊಂಡಿದ್ದ ಗೃಹಿಣಿಯೊಬ್ಬರು ಮೃತಪಟ್ಟ ಘಟನೆ ತಾಲ್ಲೂಕಿನ ಯರಡೋಣದಲ್ಲಿ ಬುಧವಾರ ಜರುಗಿದೆ.

ಗಂಗಮ್ಮ ಕರಿಯಪ್ಪ ಕಂಬಳಿ (50) ಮೃತಪಟ್ಟವರು. ಮಂಗಳವಾರ ಮನೆ ಮುಂದಿನ ಕಟ್ಟೆಯಿಂದ ಜಾರಿ ಬಿದ್ದಿದ್ದ ಗಂಗಮ್ಮಗೆ ತೀವ್ರ ರಕ್ತಸ್ರಾವವಾಗಿತ್ತು. ಬೂದಗುಂಪಾ, ಕಾರಟಗಿ, ಗಂಗಾವತಿಯಲ್ಲಿ ಚಿಕಿತ್ಸೆ ನೀಡಿ ಹುಬ್ಬಳ್ಳಿಯ ಎಸ್‌ಡಿಎಂ ಆಸ್ಪತ್ರೆಗೆ ದಾಖಲಾಗಿಸಲಾಗಿತ್ತು. ಚಿಕಿತ್ಸೆ ಸ್ಪಂದಿಸದೆ ಬುಧವಾರ ಮೃತಪಟ್ಟಿದ್ದಾರೆ. ಕಾರಟಗಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.