ಮಂಡ್ಯ: ಒಂದೇ ದಿನ 274 ಮಂದಿಗೆ ಕೋವಿಡ್‌

ಮಂಡ್ಯ: ಭಾನುವಾರ ಒಂದೇ ದಿನ 274 ಮಂದಿಗೆ ಕೋವಿಡ್‌–19 ದೃಢಪಟ್ಟಿದ್ದು ಜಿಲ್ಲೆಯಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 10,325ಕ್ಕೆ ಏರಿಕೆಯಾಗಿದೆ. ತಾಲ್ಲೂಕಿನ 80 ವರ್ಷದ ವ್ಯಕ್ತಿಯೊಬ್ಬರು ಮೃತಪಟ್ಟಿದ್ದು, ಜಿಲ್ಲೆಯಲ್ಲಿ ಕೋವಿಡ್‌ನಿಂದ ಮೃತಪಟ್ಟವರ ಸಂಖ್ಯೆ 101ಕ್ಕೆ ಹೆಚ್ಚಾಗಿದೆ.

ಮಂಡ್ಯ ತಾಲ್ಲೂಕಿನ 108 ಮಂದಿ, ನಾಗಮಂಗಲ 46, ಮದ್ದುರು 35, ಕೆ.ಆರ್‌.ಪೇಟೆ 28, ಶ್ರೀರಂಗಪಟ್ಟಣ 27, ಪಾಂಡವಪುರ 22, ಮಳವಳ್ಳಿ ತಾಲ್ಲೂಕಿನ 13 ಮಂದಿಗೆ ಸೋಂಕು ಪತ್ತೆಯಾಗಿದೆ. ಕೋವಿಡ್‌ನಿಂದ ಗುಣಮುಖರಾದ 65 ಮಂದಿಯನ್ನು ವಿವಿಧ ಆಸ್ಪತ್ರೆಗಳಿಂದ ಬಿಡುಗಡೆ ಮಾಡಲಾಗಿದೆ. ಒಟ್ಟು ಸೋಂಕಿತರಲ್ಲಿ 8,464 ಮಂದಿ ಗುಣಮುಖರಾಗಿದ್ದು 1759 ಪ್ರಕರಣಗಳು ಸಕ್ರಿಯವಾಗಿವೆ.