ಡಿಕೆಶಿ ಭವಿಷ್ಯದಲ್ಲಿ ಸಿಎಂ ಆಗ್ತಾರೆ: ಜಮೀರ್‌ ಅಹಮದ್‌ ಖಾನ್‌

ಮಂಡ್ಯ: ‘ಉಪ ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್‌ ಮುಖ್ಯಮಂತ್ರಿ ಆಗಲೆಂದು ಬಯಸುತ್ತೇನೆ. ಅದು ಭವಿಷ್ಯದಲ್ಲಿ ಈಡೇರಲಿದೆ’ ಎಂದು ವಸತಿ ಸಚಿವ ಬಿ.ಝಡ್‌. ಜಮೀರ್‌ ಅಹಮದ್‌ ಖಾನ್‌ ಹೇಳಿದರು.

ಇಲ್ಲಿ ಶನಿವಾರ ಸುದ್ದಿಗಾರರೊಂದಿಗೆ ಮಾತನಾಡಿ, ‘ನಮ್ಮದು ಹೈಕಮಾಂಡ್‌ ಪಕ್ಷ. ಏನೇ ತೀರ್ಮಾನವಿದ್ದರೂ ಕೈಗೊಳ್ಳುವುದು ಅದಕ್ಕೆ ಬಿಟ್ಟಿದ್ದು’ ಎಂದು ಹೇಳಿದರು.

‘ನವೆಂಬರ್‌ಗೆ ಯಾವ ರಾಜಕೀಯ ಕ್ರಾಂತಿಯೂ ಆಗುವುದಿಲ್ಲ. ಸಿದ್ದರಾಮಯ್ಯ ಅವರೇ ಮುಖ್ಯಮಂತ್ರಿಯಾಗಿ ಐದು ವರ್ಷ ಪೂರ್ಣಗೊಳಿಸುತ್ತಾರೆ. ಅವರೇ ಇದನ್ನು ಸ್ಪಷ್ಟಪಡಿಸಿದ್ದಾರೆ. ಡಿಕೆಶಿಯವರೂ ಇಂಥಾದ್ದೇ ಮಾತನ್ನಾಡಿದ್ದಾರೆ. ಹೀಗಿರುವಾಗ ಗೊಂದಲ ಏಕೆ?’ ಎಂದೂ ಅವರು ಪ್ರಶ್ನಿಸಿದರು.