ನಕಲಿ ಪ್ರಬಂಧ ಪತ್ತೆಗೆ ಸಾಫ್ಟ್‌ವೇರ್‌ ಬಳಕೆ
15 ನಿಮಿಷಕ್ಕೆ 300 ಪುಟ ಪರಿಶೀಲಿಸುವ ತಂತ್ರಾಂಶ
ಮೈಸೂರು: ಪಿಎಚ್‌.ಡಿ ಪದವಿಗಾಗಿ ಸಲ್ಲಿಸುವ ಪ್ರೌಢಪ್ರಬಂಧಗಳಲ್ಲಿ ನಕಲಿಯನ್ನು ಪತ್ತೆ ಹಚ್ಚಲು ಮೈಸೂರು ವಿ.ವಿ ನಕಲಿ ಪತ್ತೆ ಸಾಫ್ಟ್‌ವೇರ್‌ ಅನ್ನು ಅಳವಡಿಸಿಕೊಂಡಿದೆ.
ಪಿಎಚ್‌.ಡಿ ಪ್ರಬಂಧಗಳ ಮೌಲ್ಯ ಹಾಗೂ ಗುಣಮಟ್ಟವನ್ನು ಹೆಚ್ಚಿಸಲು ಯುಜಿಸಿ ಅನೇಕ ನಿಯಮಗಳನ್ನು ರೂಪಿಸಿದೆ. ಇದಕ್ಕಾಗಿ ಹಲವು ಕ್ರಮಗಳ ನಮ್ಮ ವಿ.ವಿ ತೆಗೆದುಕೊಂಡಿದೆ. ಅವುಗಳ ಪೈಕಿ ಪಿಎಚ್‌.ಡಿ ಪದವಿಗಾಗಿ ಪ್ರವೇಶ ಪರೀಕ್ಷೆ ಹಾಗೂ ನಂತರ ಕೋರ್ಸ್‌ ವರ್ಕ್ ನಡೆಸುವುದು. ಜತೆಗೆ, ನಕಲಿ ಪಿಎಚ್‌.ಡಿ ಪತ್ತೆಗಾಗಿ ಸಾಫ್ಟ್‌ವೇರ್‌ ಅಳವಡಿಸಿಕೊಂಡಿರುವುದು ಪ್ರಮುಖ ಎಂದು ಮೈಸೂರು ವಿ.ವಿ ಪ್ರಭಾರ ಕುಲಪತಿ ಪ್ರೊ.ದಯಾನಂದ ಮಾನೆ ‘ಪ್ರಜಾವಾಣಿ’ಗೆ ತಿಳಿಸಿದರು.
‘ಟರ್ನಿಟ್‌ ಇನ್‌’ ಹಾಗೂ ‘ಐಥೆಂಟಿಕೇಟ್‌’ ಎಂಬ ಎರಡು ಸಾಫ್ಟ್‌ವೇರ್‌ಗಳನ್ನು ಇದಕ್ಕಾಗಿ ಬಳಸಿಕೊಳ್ಳಲಾಗುತ್ತಿದೆ. ಆದರೆ, ಪ್ರಬಂಧಗಳು ಇಂಗ್ಲಿಷಿನಲ್ಲಿ ಮಾತ್ರ ಇರಬೇಕಿರುವುದು ಈ ಸಾಫ್ಟ್‌ವೇರ್‌ನ ಮಿತಿ. ಕನ್ನಡದಲ್ಲಿ ಪ್ರಬಂಧ ಮಂಡಿಸಿದರೆ ಅವನ್ನು ಪರೀಕ್ಷಿಸುವ ಸೌಲಭ್ಯ ಇದರಲ್ಲಿ ಇಲ್ಲ. ಈ ಸಾಫ್ಟ್‌ವೇರ್‌ ಮೂಲಕ 300 ಪುಟಗಳ ಪ್ರಬಂಧವನ್ನು 15 ನಿಮಿಷದಲ್ಲಿ ಪರಿಶೀಲಿಸುವುದು. ಜತೆಗೆ, ನಕಲಿಯಿದ್ದರೆ ಪತ್ತೆ ಹಚ್ಚುವುದು ಎಂದು ಮಾಹಿತಿ ನೀಡಿದರು.
ಕನ್ನಡಕ್ಕೂ ಈ ಸಾಫ್ಟ್‌ವೇರ್‌ ಅಳವಡಿಸುವ ಕುರಿತು ಚಿಂತನೆ ನಡೆದಿದೆ. ಪಿಎಚ್‌ಡಿ ಪದವಿ ನೀಡುವ ಮುನ್ನ ವಿವಿಧ ಮಂಡಳಿಯ ಸದಸ್ಯರು ಹಾಗೂ ತಜ್ಞರು ನಕಲಿಯನ್ನು ಪತ್ತೆ ಮಾಡುತ್ತಿದ್ದಾರೆ. ಗುಣಮಟ್ಟವನ್ನು ಕಾಪಾಡಿಕೊಳ್ಳುವಲ್ಲಿ ಯಾವ ರಾಜಿಯ ಪ್ರಶ್ನೆಯೂ ಬಾರದು ಎಂದು ಅವರು ಹೇಳಿದರು.
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.