Mysore Dasara: 4ನೇ ಬಾರಿಗೆ ಅಂಬಾರಿ ಹೊತ್ತ ‘ಅಭಿಮನ್ಯು’

ಮೈಸೂರು: ಲಕ್ಷಾಂತರ ಜನರ ಕಣ್ಮನ ಸೆಳೆದ ಜಂಬೂಸವಾರಿ ಮೆರವಣಿಗೆಯಲ್ಲಿ 750 ಕೆ.ಜಿ. ತೂಕದ ಚಿನ್ನದ ಅಂಬಾರಿಯನ್ನು ಸತತ 4ನೇ ಬಾರಿಗೆ ಯಶಸ್ವಿಯಾಗಿ ಹೊತ್ತ ‘ಅಭಿಮನ್ಯು’ ಆನೆ ಮೆಚ್ಚುಗೆಗೆ ‍ಪಾತ್ರನಾದ.

ವಿವಿಧ ಶಿಬಿರಗಳಿಂದ 2 ತಂಡಗಳಲ್ಲಿ 14 ಆನೆಗಳನ್ನು ಅರಮನೆಗೆ ಕರೆತರಲಾಗಿತ್ತು. ಆದರೆ, 9 ಆನೆಗಳಿಗೆ ಮಾತ್ರ ಅವಕಾಶ ಸಿಕ್ಕಿತು. ‘ಅಭಿಮನ್ಯು’ ಜೊತೆಗೆ ‘ಕುಮ್ಕಿ’ ಆನೆಗಳಾಗಿ ‘ವರಲಕ್ಷ್ಮಿ’ ಹಾಗೂ ‘ವಿಜಯಾ’ ಹೆಜ್ಜೆ ಹಾಕಿದರೆ, ನಿಶಾನೆ ಆನೆಯಾಗಿ ‘ಅರ್ಜುನ’ ಸಾಗಿದ. ‘ನೌಫತ್’ ಆನೆಯಾಗಿ ‘ಭೀಮ’, ‘ಗೋಪಿ’, ಸಾಲಾನೆಗಳಾಗಿ ‘ಮಹೇಂದ್ರ’, ‘ಧನಂಜಯ’, ‘ಪ್ರಶಾಂತ್’ ಹೆಜ್ಜೆ ಹಾಕಿ ಗಮನಸೆಳದವು. ‘ರೋಹಿತ’, ‘ಹಿರಣ್ಯ’, ‘ಲಕ್ಷ್ಮಿ’, ‘ಕಂಜನ್’ ಹಾಗೂ ‘ಸುಗ್ರೀವ’ ಆನೆಗಳಿಗೆ ಅವಕಾಶ ದೊರೆಯಲಿಲ್ಲ.