ಹಂಪಾಪುರ: ದೊಡ್ಡ ಪರದೆಯಲ್ಲಿ IPL ಕ್ರಿಕೆಟ್ ಪಂದ್ಯ ನೇರಪ್ರಸಾರ
ಹಂಪಾಪುರ ಹೊರವಲಯದ ಜಕ್ಕಹಳ್ಳಿ ಗ್ರಾಮದಲ್ಲಿ ದೊಡ್ಡ ಪರದೆಯ ಮೇಲೆ ಐಪಿಎಲ್ ಕ್ರಿಕೆಟ್ ಟೂರ್ನಿಯ ಫೈನಲ್‌ ಪಂದ್ಯದ ನೇರಪ್ರಸಾರ ಮಾಡಲಾಯಿತು
ಹಂಪಾಪುರ: ಹೋಬಳಿ ಸೇರಿ ಎಚ್.ಡಿ. ಕೋಟೆ ಹಾಗೂ ಸರಗೂರು ತಾಲ್ಲೂಕಿನಾದ್ಯಂತ ಐಪಿಎಲ್ ಕ್ರಿಕೆಟ್ ಪೈನಲ್‌ ಪಂದ್ಯವನ್ನು ದೊಡ್ಡ ಪರದೆಗಳಲ್ಲಿ ಬಿತ್ತರಿಸಲಾಯಿತು.
ಎರಡು ತಾಲ್ಲೂಕುಗಳಿಂದ ವಿವಿಧ ಹಳ್ಳಿಗಳಲ್ಲಿ ಸುಮಾರು 30ಕ್ಕೂ ಹೆಚ್ಚಿನ ಎಲ್ಇಡಿ ಪರದೆಗಳನ್ನು ಅಳವಡಿಸಲಾಗಿತ್ತು.
ಆರ್‌ಸಿಬಿ ತಂಡದ ಆಟಗಾರರು ಬ್ಯಾಟಿಂಗ್‌‌ನಲ್ಲಿ ಬೌಂಡರಿಗಳನ್ನು ಗಳಿಸುತ್ತಿದ್ದಾಗ ಅಭಿಮಾನಿಗಳು ಪಟಾಕಿಗಳನ್ನು ಸಿಡಿಸಿ ಸಂತಸ ವ್ಯಕ್ತಪಡಿಸಿದರು.
ಎಚ್.ಡಿ. ಕೋಟೆ ಪಟ್ಟಣ, ಜಕ್ಕಹಳ್ಳಿ, ಬೆಳತ್ತೂರು, ಸರಗೂರು, ಚಿಕ್ಕದೇವಮ್ಮನ ಬೆಟ್ಟದ ಹಾಲಗಡ, ಹೆಬ್ಬಲಗುಪ್ಪೆ ಸೇರಿ ವಿವಿಧ ಗ್ರಾಮಗಳಲ್ಲಿ ದೊಡ್ಡ ದೊಡ್ಡ ಪರದೆಗಳಲ್ಲಿ ಪಂದ್ಯ ನೇರಪ್ರಸಾರ ಮಾಡಲಾಯಿತು. ಎಲ್.ಇಡಿ ಪರದೆ ನಿಗದಿಗಿಂತ ಹೆಚ್ಚಿನ ಬಾಡಿಗೆಗೆ ಅಳವಡಿಸುತ್ತಿದ್ದುದು ಕಂಡುಬಂತು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.