ಹುಣಸೂರು: ಹುತಾತ್ಮ ಯೋಧ ದಿವಿನ್‌ಗೆ ಅಂತಿಮ ನಮನ

ಹುಣಸೂರು: ಶ್ರೀನಗರದಲ್ಲಿ ಭಾರತೀಯ ಸೇನೆಯ ವಾಹನ ಅಪಘಾತಕ್ಕೀಡಾಗಿ ಹುತಾತ್ಮರಾದ ಕೊಡಗಿನ ಯೋಧ ದಿವಿನ್ (28) ಪಾರ್ಥಿವ ಶರೀರಕ್ಕೆ ಹುಣಸೂರಿನ ಲಾ ಸೆಲೆಟ್ ಪದವಿ ಪೂರ್ವ ಕಾಲೇಜು ವಿದ್ಯಾರ್ಥಿಗಳು ಅಂತಿಮ ನಮನ ಸಲ್ಲಿಸಿದರು.

ಬೆಂಗಳೂರಿನಿಂದ ಕೊಡಗಿಗೆ ತೆರಳುವ ಮಾರ್ಗ ಮಧ್ಯೆ ದೇವರಾಜ ಅರಸು ಪುತ್ಥಳಿ ಬಳಿ ಮಂಗಳವಾರ ರಾತ್ರಿ ಕಾಲೇಜು ವಿದ್ಯಾರ್ಥಿಗಳು ಯೋಧನ ಪಾರ್ಥಿವ ಶರೀರಕ್ಕೆ ಪುಷ್ಪನಮನ ಸಲ್ಲಿಸಿ ಗೌರವ ಅರ್ಪಿಸಿದರು.

ಕಾಲೇಜು ಪ್ರಾಂಶುಪಾಲ ರವಿ ವಿ. ದೀಪಕ್, ಮಧುಕರ್, ವಿದ್ಯಾರ್ಥಿ ಮುಖಂಡ ತೇಜಸ್ ಎಂ. ಗೌಡ ಪಾಲ್ಗೊಂಡಿದ್ದರು.