‘ಆಧುನಿಕ ತಂತ್ರಜ್ಞಾನದಿಂದ ಭೂ ಸಮೀಕ್ಷೆಗೆ ಬಲ’

ಮೈಸೂರು: ಮೈಸೂರು ವಿಶ್ವವಿದ್ಯಾಲಯದ ಭೌಗೋಳಿಕ ಮಾಹಿತಿ ತಂತ್ರಜ್ಞಾನ ಹಾಗೂ ಭೂಗೋಳಶಾಸ್ತ್ರ ಅಧ್ಯಯನ ವಿಭಾಗವು ರುಸಾ ಸಹಯೋಗದಲ್ಲಿ ‘ಭೂ-ಮಾಹಿತಿಶಾಸ್ತ್ರ ಮತ್ತು ಭೂ ಸಮೀಕ್ಷೆ’ ವಿಷಯದ ಕುರಿತು ಆಯೋಜಿಸಿರುವ ಕಾರ್ಯಾಗಾರವನ್ನು ಕುಲಸಚಿವೆ ಎಂ.ಕೆ.ಸವಿತಾ ಉದ್ಘಾಟಿಸಿದರು.

ಬಳಿಕ ಮಾತನಾಡಿ, ‘ಭೂ ಸಮೀಕ್ಷೆಯಲ್ಲಿ ಟೋಟಲ್‌ ಸ್ಟೇಷನ್‌, ಜಿಪಿಎಸ್‌ ಮತ್ತು ಡ್ರೋನ್‌ ಸರ್ವೆ ಮುಂತಾದ ಆಧುನಿಕ ತಂತ್ರಜ್ಞಾನಗಳನ್ನು ಬಳಸಲಾಗುತ್ತಿದ್ದು, ಇವು ಸಂಶೋಧನಾ ಕ್ಷೇತ್ರ ಹಾಗೂ ಆಡಳಿತಾತ್ಮಕ ಕಾರ್ಯದಲ್ಲಿ ತೊಡಗಿಸಿಕೊಂಡವರಿಗೆ ಸಹಾಯಕವಾಗಿವೆ’ ಎಂದು ತಿಳಿಸಿದರು. 

ಅಟ್ಲಾಷೈನ್ ಕಂಪನಿಯ ನಿರ್ದೇಶಕ ಡಾ. ಸುರೇಶ್‌ ಚಿತ್ರಾಪು ಮಾತನಾಡಿದರು.

ವಿಭಾಗದ ಸಂಯೋಜಕಿ ಪ್ರೊ. ಜಯಶ್ರೀ, ಸಂದರ್ಶಕ ಪ್ರಾಧ್ಯಾಪಕರಾದ ಪ್ರೊ. ರಾಮು, ವಿಭಾಗದ ಅಧ್ಯಕ್ಷ ಪ್ರೊ. ಚಂದ್ರಶೇಖರ, ರೇಖಾ, ಪಾಪಣ್ಣ, ರಮ್ಯಾ, ಕೃತಿಕಾ ಭಾಗವಹಿಸಿದ್ದರು.