ಮೈಸೂರು ವಿ.ವಿ ಪದವಿ ಪರೀಕ್ಷೆ ಸೆ.13ಕ್ಕೆ ಮುಂದೂಡಿಕೆ

‌ಮೈಸೂರು: ಮೈಸೂರು ವಿಶ್ವವಿದ್ಯಾಲಯವು ಸೆ.3ರಂದು ಆರಂಭವಾಗಬೇಕಿದ್ದ ಪದವಿ ಪರೀಕ್ಷೆಗಳನ್ನು ಸೆ.13ಕ್ಕೆ ಮುಂದೂಡಿದೆ.

ಸ್ನಾತಕ ಪದವಿಯ 6ನೇ ಸೆಮಿಸ್ಟರ್ (ಸಿಬಿಸಿಎಸ್/ ನಾನ್‌ ಸಿಬಿಸಿಎಸ್ ಫ್ರೆಷರ್ಸ್), 2ನೇ ಸೆಮಿಸ್ಟರ್‌ (ಸಿಬಿಸಿಎಸ್ ರಿಪಿಟರ್ಸ್) ಮತ್ತು 2, 4, 6ನೇ ಸೆಮಿಸ್ಟರ್‌ನ (ನಾನ್‌ ಸಿಬಿಸಿಎಸ್‌–ರಿಪಿಟರ್ಸ್‌) ಪದವಿ ಪರೀಕ್ಷೆಗಳನ್ನು ಕುಲಪತಿ ಆದೇಶದ ಮೇರೆಗೆ ಕಾರಣಾಂತರಗಳಿಂದ ಮುಂದೂಡಲಾಗಿದೆ. ಪರಿಷ್ಕೃತ ವೇಳಾಪಟ್ಟಿಯನ್ನು ಸದ್ಯದಲ್ಲೇ ಹೊರಡಿಸಲಾಗುವುದು ಎಂದು ಪರೀಕ್ಷಾಂಗ ಕುಲಸಚಿವ ಪ್ರೊ.ಎ.ಪಿ.ಜ್ಞಾನಪ್ರಕಾಶ್‌ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.