ಕಾರು ಮಗುಚಿ ಇಬ್ಬರು ಸಾವು

ರಾಯಚೂರು: ನಗರದಿಂದ ಮಂತ್ರಾಲಯಕ್ಕೆ ತೆರಳುತ್ತಿದ್ದ ಕಾರು ಗಿಲ್ಲೇಸಗೂರು ಕ್ಯಾಂಪ್‌ ಬಳಿ ಬುಧವಾರ ನಸುಕಿನಲ್ಲಿ ರಾಷ್ಟ್ರೀಯ ಹೆದ್ದಾರಿಯಿಂದ ಮಗುಚಿ ಬಿದ್ದ ಪರಿಣಾಮ ಇಬ್ಬರು ಯುವಕರು ಮೃತಪಟ್ಟಿದ್ದಾರೆ.

ರಾಯಚೂರು ನಗರದ ಐಡಿಎಸ್‌ಎಂಟಿ ಬಡಾವಣೆ ನಿವಾಸಿಗಳಾದ ರಾಜಶೇಖರ (33) ಹಾಗೂ ಕೃಷ್ಣಾ (30) ಮೃತ ಯುವಕರು. ಇಡಪನೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.