ರಾಯಚೂರು: 264 ಬೈಕ್‌, 20 ಕಾರುಗಳು ವಶಕ್ಕೆ

ರಾಯಚೂರು: ಜಿಲ್ಲೆಯಲ್ಲಿ ರಾಯಚೂರು ನಗರ ಮತ್ತು ಸಿಂಧನೂರು ನಗರವನ್ನು ಸಂಪೂರ್ಣ ಲಾಕ್‌ಡೌನ್ ಮಾಡಿದ್ದರೂ ಅನವಶ್ಯಕವಾಗಿ ಸಂಚರಿಸಿದ 264 ಬೈಕ್‌ಗಳನ್ನು 20 ಕಾರಗಳು ಹಾಗೂ 15 ಆಟೋಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಒಂದೇ ದಿನದಲ್ಲಿ ಒಟ್ಟು ₹52,100 ದಂಡ ವಿಧಿಸಲಾಗಿದೆ. ಮಾಸ್ಕ್ ಇಲ್ಲದೆ ಸಂಚರಿಸಿದಕ್ಕಾಗಿ 74 ಪ್ರಕರಣಗಳನ್ನು ದಾಖಲಿಸಿ ₹11,200 ದಂಡ ವಿಧಿಸಲಾಗಿದೆ. ಆಟೋಗಳಲ್ಲಿ ಸಂಚರಿಸುವುದನ್ನು ನಿಷೇಧಿಸಲಾಗಿದೆ. ಆದ್ದರಿಂದ ಸಾರ್ವಜನಿಕರು ಹಾಗೂ ಆಟೋ ಚಾಲಕರು ಸಂಚರಿಸುವುದನ್ನು ನಿಲ್ಲಿಸಬೇಕು. ಒಂದು ವಾರ ಲಾಕ್‌ಡೌನ್ ಇರುತ್ತದೆ. ಆದ್ದರಿಂದ ಸಾರ್ವಜನಿಕರು ಅನಾವಶ್ಯಕವಾಗಿ ಸಂಚರಿಸಬಾರದು ಎಂದು ತಿಳಿಸಲಾಗಿದೆ.