ಕಾಲುವೆ ಪಾಲಾದ ಇಬ್ಬರು ಶಾಲಾ ಮಕ್ಕಳು: ಒಂದು ಶವ ಪತ್ತೆ

ತುಂಗಭದ್ರಾ (ರಾಯಚೂರು): ತಾಲ್ಲೂಕಿನ ತುಂಗಭದ್ರಾ ಗ್ರಾಮದ ರಾಮರಾವ್ ಕ್ಯಾಂಪ್ ಶಾಲೆಯಿಂದ ಆಹಾರಧಾನ್ಯ ತರಲು ಮನೆಯಿಂದ ಹೋಗಿದ್ದ 5ನೇ ತರಗತಿಯ ಇಬ್ಬರು ಬಾಲಕರು ಶುಕ್ರವಾರ ರಾಜಲಬಂಡಾ ಕಾಲುವೆ ಪಾಲಾಗಿದ್ದಾರೆ.

ಒಂದು ಶವ ಶನಿವಾರ ಪತ್ತೆಯಾಗಿದೆ.ಇನ್ನೊಂದು ಶವಕ್ಕಾಗಿ ಶೋಧ ಮುಂದುವರಿಸಲಾಗಿದೆ.

ಪ್ರವೀಣ್ (11) ಶವ ಪತ್ತೆಯಾಗಿದೆ. ಚಿನ್ನ ಬಾಲಕನ ಶವಕ್ಕಾಗಿ ಹುಡುಕಾಟ‌ ನಡೆದಿದೆ.

ಶುಕ್ರವಾರ ಮಕ್ಕಳು ಕಣ್ಮರೆಯಾಗಿದ್ದರಿಂದ ಪಾಲಕರು ಮತ್ತು ಸಂಬಂಧಿಗಳು ಗಾಬರಿಯಿಂದ ಹುಡುಕಾಟ ಆರಂಭಿಸಿದ್ದರು. ಕಾಲುವೆಯಲ್ಲಿ ಶನಿವಾರ ಶವ ಪತ್ತೆಯಾಗುತ್ತಿದ್ದಂತೆ ರೋದನ ಮುಗಿಲುಮುಟ್ಟಿತು. ಇಡುಪನೂರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.