ಮಂತ್ರಾಲಯ ಶ್ರೀಗೆ ಗೌರವ ಡಾಕ್ಟರೇಟ್‌ ನಾಳೆ

ರಾಯಚೂರು: ಕಲಬುರ್ಗಿಯ ಗುಲ್ಬರ್ಗಾ ವಿಶ್ವವಿದ್ಯಾಲಯವು ಈ ವರ್ಷದ ಗೌರವ ಡಾಕ್ಟರೇಟ್‌ಗಾಗಿ ಮಂತ್ರಾಲಯದ ಶ್ರೀ ರಾಘವೇಂದ್ರಸ್ವಾಮಿ ಮಠದ ಪೀಠಾಧಿಪತಿ ಶ್ರೀ ಸುಬುಧೇಂದ್ರ ತೀರ್ಥರನ್ನು ಆಯ್ಕೆಮಾಡಿದೆ. ಶುಕ್ರವಾರ (ನವೆಂಬರ್‌ 20) ನಡೆಯುವ ಘಟಿಕೋತ್ಸವ ಸಮಾರಂಭದಲ್ಲಿ ಡಾಕ್ಟರೇಟ್‌ ಪ್ರದಾನ ಮಾಡಲಾಗುವುದು.

ಶ್ರೀಗಳು ಧಾರ್ಮಿಕ, ಸಾಮಾಜಿಕ ಕ್ಷೇತ್ರಗಳಲ್ಲಿ ಮಾಡಿರುವ ಸಾಧನೆ ಪರಿಗಣಿಸಿ ಗೌರವ ಡಾಕ್ಟ್‌ರೇಟ್‌ ನೀಡುವಂತೆ ಕೋರಿ ಸಿಂಡಿಕೇಟ್‌ ಸದಸ್ಯ ಶರಣಬಸವ ಜೋಳದಹೆಡಗಿ ಅವರು ಗುಲಬರ್ಗಾ ವಿಶ್ವವಿದ್ಯಾಲಯಕ್ಕೆ ಮನವಿ ಸಲ್ಲಿಸಿದ್ದರು.