ಅಕ್ರಮ ಮದ್ಯ: ದೂರು ನೀಡಿ

ರಾಯಚೂರು: ಜಿಲ್ಲೆಯಲ್ಲಿ ಅಕ್ರಮವಾಗಿ ಮದ್ಯ ಮಾರಾಟ, ಶೇಂಧಿ ಮತ್ತು ಕಳ್ಳಭಟ್ಟಿ ತಯಾರಿಕೆ ಮತ್ತು ಮಾರಾಟ ಕಂಡುಬಂದಲ್ಲೀ ಸಾರ್ವಜನಿಕರು ಕೂಡಲೇ ಸಂಬಂಧಿಸಿದ ವಲಯಗಳ ಅಬಕಾರಿ ನಿರೀಕ್ಷಕರುಗಳ ಮೊಬೈಲ್‌ಗೆ ಅಥವಾ ಕಂಟ್ರೋಲ್ ರೂಂಗೆ ಕರೆ ಮಾಡಬಹುದಾಗಿದೆ. 9449597169 (ಜಿಲ್ಲಾ ಅಬಕಾರಿ ಉಪ ಆಯುಕ್ತ ಪ್ರಶಾಂತಕುಮಾರ್‌). 24 ಗಂಟೆಗಳ ಕಾಲ ಕಾರ್ಯನಿರ್ವಹಿಸುವ ಕಂಟ್ರೋಲ್ ರೂಂ 08532 235991.

ವಾಹನಗಳಿಗೆ ಇಂಧನದ ಮಿತಿ

ರಾಯಚೂರುಜಿಲ್ಲೆಯಾದ್ಯಂತ ಸಂಬಂಧಿಸಿದ ಎಲ್ಲಾ ಪೆಟ್ರೋಲ್ ಪಂಪ್‌ಗಳು ಬೆಳಿಗ್ಗೆ 7 ರಿಂದ ಮಧ್ಯಾಹ್ನ 2 ಗಂಟೆಯವರೆಗೆ ತೆರೆಯಲಿವೆ.

ಒಂದು ಪೆಟ್ರೋಲ್ ವಾಹನ ₹200 ವರೆಗೆ ಹಾಗೂ ಡೀಸೆಲ್ ವಾಹನ ₹500 ವರೆಗೆ ಮಾತ್ರ ವಿತರಿಸಲಾಗುವುದು. ಯಾವುದೇ ಕಾರಣಕ್ಕೂ ಬಾಟಲ್‌ಗಳ ಮೂಲಕ ಇಂಧನ ತುಂಬಿಸಿ ಕೊಡಲಾಗದು. ಗ್ರಾಹಕರ ಹಾಗೂ ಇಂಧನ ವಿತರಕರ ಅಂತರ 1.5 ಮೀಟರ್ ಇರಬೇಕು ಎಂದು ಜಿಲ್ಲಾಧಿಕಾರಿ ಆದೇಶಿಸಿದ್ದಾರೆ.