ಹಟ್ಟಿ ಚಿನ್ನದ ಗಣಿ: ಚಂರಡಿಗೆ ಸ್ಲ್ಯಾಬ್ ಹಾಕಲು ಒತ್ತಾಯ

ಹಟ್ಟಿ ಚಿನ್ನದ ಗಣಿ: ‘ಪಟ್ಟಣದ ಎಸ್‌ಬಿಐ ಬ್ಯಾಂಕ್ ಹಿಂಭಾಗದ ಚರಂಡಿ ಮೇಲಿನ ಸ್ಪ್ಯಾಬ್ ಕಿತ್ತು ಹೋಗಿದೆ. ಇದರಿಂದ ಚರಂಡಿ ನೀರು ರಸ್ತೆ ಮೇಲೆ ಹರಿಯುತ್ತಿದೆ. ಕೂಡಲೇ ಇದನ್ನು ದುರಸ್ತಿ ಮಾಡಬೇಕು’ ಎಂದು ಸಾರ್ವಜನಿಕರು ಆಗ್ರಹಿಸಿದ್ದಾರೆ.

ಈ ಕುರಿತು ಗಣಿ ಕಂಪನಿ ಆಡಳಿತ ಮಂಡಳಿಗೆ ದೂರು ನೀಡಿದರೂ ಕಾರ್ಮಿಕರ ಸಮಸ್ಯೆ ಸಮಸ್ಯೆಯಾಗಿಯೇ ಉಳಿದಿದೆ ಎನ್ನುತ್ತಾರೆ ಕಾಲೊನಿ ನಿವಾಸಿಗಳು.

ಈ ರಸ್ತೆಯಲ್ಲಿ ಲಾರಿ, ಟ್ಯ್ರಾಕ್ಟರ್ ಸಂಚರಿಸುತ್ತವೆ. ರಾತ್ರಿ ಇಲ್ಲಿ ಬೀದಿ ದೀಪಗಳು ಕೂಡ ಬೆಳಗುವುದಿಲ್ಲ. ಪಾದಚಾರಿಗಳು, ಬೈಕ್ ಸವಾರರಿಗೆ ಬೀಳುವ ಆತಂಕ ಎದುರಾಗಿದೆ. ಕೂಡಲೇ ಗಣಿ ಕಂಪನಿ ಆಡಳಿತ ದುರಸ್ತಿಗೆ ಮುಂದಾಗಬೇಕು ಎಂದು ಗುರುಪಾದಪ್ಪ, ರಮೇಶ ಹಾಗೂ ಇತರರು ಆಗ್ರಹಿಸಿದ್ದಾರೆ.