ಪ್ರತ್ಯೇಕ ರಸ್ತೆ ಅಪಘಾತ: ಇಬ್ಬರ ಸಾವು

ರಾಯಚೂರು: ತಾಲ್ಲೂಕಿನಲ್ಲಿ 24 ಗಂಟೆಗಳ ಅವಧಿಯಲ್ಲಿ ಸಂಭವಿಸಿದ ಎರಡು ಪ್ರತ್ಯೇಕ ಅಪಘಾತದಲ್ಲಿ ಇಬ್ಬರು ಮೃತಪಟ್ಟಿದ್ದಾರೆ.

ಯರಗೇರಾ ಸಮೀಪದ ರಾಯಚೂರು ವಿಶ್ವವಿದ್ಯಾಲಯದ ಎದುರು ಭಾನುವಾರ ರಾತ್ರಿ ಲಾರಿ ಡಿಕ್ಕಿ ಹೊಡೆದ ಪರಿಣಾಮ ಬೈಕ್‌ ಸವಾರ ಆಂಧ್ರಪ್ರದೇಶದ ಮಾಧವರಂ ಮದನಪಲ್ಲಿಯ ರೆಡ್ಡಿ (37) ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಯರಗೇರಾ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಲಾರಿಯು ಆಂಧ್ರಪ್ರದೇಶದಿಂದ ರಾಯಚೂರಿಗೆ ಬರುತ್ತಿದ್ದರೆ, ಬೈಕ್‌ ಸವಾರ ರಾಯಚೂರಿನಿಂದ ಮದನಪಲ್ಲಿಗೆ ಹೊರಟಿದ್ದರು.

ತುಂಗಭದ್ರ ಗ್ರಾಮದ ಸಮೀಪ ರಾಯಚೂರಿನಿಂದ ಮಂತ್ರಾಲಯಕ್ಕೆ ಹೊರಟಿದ್ದ ರಸ್ತೆ ಸಾರಿಗೆ ಸಂಸ್ಥೆಯ ಬಸ್‌ ಡಿಕ್ಕಿ ಹೊಡೆದು ಪಾದಚಾರಿ ಆಂಧ್ರಪ್ರದೇಶದ ಮಾಧವರಂನ ವೀರೇಶ (34) ಮೃತಪಟ್ಟಿದ್ದಾರೆ. ಇಡಪನೂರು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.