ಚನ್ನಪಟ್ಟಣ: ಚಕ್ಕೆರೆ ಗ್ರಾ.ಪಂ.ಗೆ ನೂತನ ಅಧ್ಯಕ್ಷ ಆಯ್ಕೆ

ಚನ್ನಪಟ್ಟಣ: ತಾಲ್ಲೂಕಿನ ಚಕ್ಕೆರೆ ಗ್ರಾಮ ಪಂಚಾಯಿತಿಯ ನೂತನ ಅಧ್ಯಕ್ಷರಾಗಿ ಗಂಗೆದೊಡ್ಡಿ ರಾಜಣ್ಣ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.

ಈ ಹಿಂದಿನ ಅಧ್ಯಕ್ಷರ ರಾಜೀನಾಮೆಯಿಂದ ತೆರವಾಗಿದ್ದ ಸ್ಥಾನಕ್ಕೆ ಮಂಗಳವಾರ ಗ್ರಾ.ಪಂ. ಕಚೇರಿಯಲ್ಲಿ ನಡೆದ ಚುನಾವಣೆಯಲ್ಲಿ ಗಂಗೆದೊಡ್ಡಿ ರಾಜಣ್ಣ ಮಾತ್ರ ನಾಮಪತ್ರ ಸಲ್ಲಿಸಿದ್ದ ಹಿನ್ನೆಲೆ ಚುನಾವಣಾಧಿಕಾರಿ ಸಿದ್ದರಾಜು ರಾಜಣ್ಣ ಅವರನ್ನು ಅವಿರೋಧವಾಗಿ ಆಯ್ಕೆ ಮಾಡಲಾಯಿತು.

ಚುನಾವಣೆಯಲ್ಲಿ ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷೆ ಎಸ್.ಕಾವ್ಯ, ಸದಸ್ಯರಾದ ಪುಟ್ಟಮ್ಮ, ಸಿ.ಎಲ್.ರಾಜು, ಸಿ.ಜೆ.ಜೈಪ್ರಕಾಶ್, ಪುಟ್ಟಸ್ವಾಮಿ, ಸರೋಜ, ಲಕ್ಷ್ಮಿ, ಕೆ.ಸಿ.ರಾಜು., ಪವಿತ್ರ, ಸೌಮ್ಯ, ಎಚ್.ಆರ್. ಪ್ರಕಾಶ್, ಲಕ್ಷ್ಮಮ್ಮ ಇತರರು ಇದ್ದರು.