ಮಳೆ: ಮನೆ ಗೋಡೆ ಕುಸಿತ

ತೀರ್ಥಹಳ್ಳಿ:ತಾಲ್ಲೂಕಿನಲ್ಲಿಶುಕ್ರವಾರ ರಾತ್ರಿ ಭಾರಿ ಮಳೆ ಸುರಿದಿದ್ದು, ಮೇಲಿನ ಕುರುವಳ್ಳಿ ಗ್ರಾಮ ಪಂಚಾಯಿತಿ ಬುಕ್ಲಾಪುರ ಗ್ರಾಮದ ಮಾನಿಮೋಹನ್ ಮಡಿವಾಳ ಅವರ ಮನೆ ಗೋಡೆ ಕುಸಿದಿದೆ.

ಗ್ರಾಮ ಪಂಚಾಯಿತಿ ಸದಸ್ಯೆ ಸುಧಾ ಕೃಷ್ಣಕುಮಾರ್, ಪಿಡಿಒ ಮಂಜುನಾಥ್ ಭೇಟಿ ನೀಡಿ ಹಾನಿಗೊಳಗಾದ ಮನೆ ಪರಿಶೀಲಿಸಿದರು.

ತಾಲ್ಲೂಕಿನ ಕೋಣಂದೂರು, ಆಗುಂಬೆ, ಮಂಡಗದ್ದೆ ಭಾಗದಲ್ಲಿ ಧಾರಾಕಾರ ಮಳೆಯಾಗಿದ್ದು, ತಗ್ಗು ಪ್ರದೇಶಗಳಲ್ಲಿ ನೀರು ನಿಂತಿತ್ತು.