ತುರುವೇಕೆರೆ | ಅಪಘಾತ: ಕೇಬಲ್ ಆಪರೇಟರ್‌ ಸಾವು

ತುರುವೇಕೆರೆ: ತಾಲ್ಲೂಕು ಕೊಡಗೀಹಳ್ಳಿ ಗೇಟ್‌ ಬಳಿ ಮೇ 27ರಂದು ದ್ವಿಚಕ್ರ ವಾಹನಕ್ಕೆ ಜೀಪ್‌ ಡಿಕ್ಕಿ ಹೊಡೆದ ಪರಿಣಾಮ ಗಾಯಗೊಂಡಿದ್ದ ಕೇಬಲ್‌ ಆಪರೇಟರ್‌ ಕರುಣಾನಿಧಿ (50) ಮೃತಪಟ್ಟಿದ್ದಾರೆ.

ಮಂಗಳವಾರ ಸಂಜೆ ಕೊಡಗೀಹಳ್ಳಿ ಗೇಟ್‌ ಬಳಿ ದ್ವಿಚಕ್ರ ವಾಹನದಲ್ಲಿ ಪ್ರಯಾಣಿಸುತ್ತಿದ್ದ ಹುಲಿಕಲ್‌ನ ಕರುಣಾನಿಧಿಗೆ ಜೀಪ್‌ ಡಿಕ್ಕಿ ಹೊಡೆದ ಪರಿಣಾಮ ತಲೆಗೆ ತೀವ್ರವಾಗಿ ಗಾಯವಾಗಿತ್ತು. ಪಟ್ಟಣದ ಆಸ್ಪತ್ರೆಯಲ್ಲಿ ಪ್ರಥಮ ಚಿಕಿತ್ಸೆ ಕೊಡಿಸಿ, ಹೆಚ್ಚಿನ ಚಿಕಿತ್ಸೆಗೆ ಆದಿಚುಂಚನಗಿರಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.