3 ಸಾವಿರ ದಾಟಿದ ಕೊರೊನಾ ಸೋಂಕಿತರು

ತುಮಕೂರು: ಜಿಲ್ಲೆಯಲ್ಲಿ ಬುಧವಾರ 153 ಮಂದಿಗೆ ಕೊರೊನಾ ಸೋಂಕು ದೃಢವಾಗಿದೆ. ಸೋಂಕಿತರ ಸಂಖ್ಯೆ 3,003 ತಲುಪಿದೆ. ಬುಧವಾರ ಮತ್ತೆ 3 ಮಂದಿಯ ಸಾವಿನ ಬಗ್ಗೆ ಆರೋಗ್ಯ ಇಲಾಖೆ ಮಾಹಿತಿ ನೀಡಿದ್ದು ಸಾವಿನ ಸಂಖ್ಯೆ 89ಕ್ಕೆ ತಲುಪಿದೆ.

ತುಮಕೂರಿನ ಎಚ್‌.ಎಂ.ಎಸ್.ಜನತಾ ಕಾಲೊನಿಯ 61 ಪುರುಷ, ವಿನೋಬನಗರದ 95 ವರ್ಷದ ಮಹಿಳೆ, ಟೂಡಾ ಲೇಔಟ್‌ನ 50 ವರ್ಷದ ಪುರುಷ ಕೊರೊನಾದಿಂದ ಮೃತಪಟ್ಟಿದ್ದಾರೆ. ಸೋಂಕಿನಿಂದ ಬಳಲುತ್ತಿದ್ದ 93 ಮಂದಿ ಗುಣಮುಖರಾಗಿ ಬುಧವಾರ ಮನೆಗಳಿಗೆ ತೆರಳಿದರು. ಜಿಲ್ಲೆಯಲ್ಲಿ ಇಲ್ಲಿಯವರೆಗೆ 1,883 ಮಂದಿ ಗುಣಮುಖರಾಗಿದ್ದು ಸಕ್ರಿಯ ಪ್ರಕರಣಗಳು 1,031ಕ್ಕೆ ತಲುಪಿದೆ.

ಎಲ್ಲ ತಾಲ್ಲೂಕುಗಳಲ್ಲಿಯೂ ಸೋಂಕಿನಿಂದ ಮೃತಪಟ್ಟ ಪ್ರಕರಣಗಳು ವರದಿಯಾಗಿವೆ. ತುಮಕೂರು ತಾಲ್ಲೂಕಿನಲ್ಲಿ ಗರಿಷ್ಠ ಸೋಂಕಿತರು ಮತ್ತು ಸಾವಿನ ಪ್ರಕರಣಗಳು ಇವೆ. ಸೋಂಕಿತರ ಪ್ರಾಥಮಿಕ ಮತ್ತು ದ್ವಿತೀಯ ಹಂತದ ಸಂಪರ್ಕದಲ್ಲಿದ್ದ 5,614 ಮಂದಿಯನ್ನು ನಿಗಾದಲ್ಲಿ ಇರಿಸಲಾಗಿದೆ.

ತಾಲ್ಲೂಕು;ಇಂದಿನ ಸೋಂಕಿತರು (ಆ.12);ಒಟ್ಟು ಸೋಂಕಿತರು;ಮರಣ

ಚಿ.ನಾ.ಹಳ್ಳಿ;2;154;3

ಗುಬ್ಬಿ;16;181;3

ಕೊರಟಗೆರೆ;16;189;2

ಕುಣಿಗಲ್;14;319;5

ಮಧುಗಿರಿ;4;196;3

ಪಾವಗಡ;23;231;2

ಶಿರಾ;15;223;5

ತಿಪಟೂರು;18;217;2

ತುಮಕೂರು;35;1,140;63

ತುರುವೇಕೆರೆ;10;153;1

ಒಟ್ಟು;153;3,003;89