ಪಾವಗಡ: ಸಂಕ್ರಾಂತಿ ಹಬ್ಬಕ್ಕಾಗಿ ತಾಲ್ಲೂಕಿನ ಜನರು ಕಬ್ಬು, ಗೆಣಸು, ಅವರೆಕಾಯಿ, ಶೇಂಗಾ ಖರೀದಿಸಲು ಬುಧವಾರ ಮುಗಿಬಿದ್ದರು.
ಕಬ್ಬಿನ ಕೋಲು ಒಂದಕ್ಕೆ ₹40 ರಿಂದ ₹100 ಇತ್ತು. ಗೆಣಸು ಕೆ.ಜಿಗೆ ₹40, ಶೇಂಗಾ ಕೆ.ಜಿಗೆ ₹60, ಅವರೆಕಾಯಿ, ಬಾರೆಕಾಯಿ ಕೆ.ಜಿ ₹50, ಕುಂಬಳಕಾಯಿ ₹40 ರಿಂದ ₹50ಗೆ ಮಾರಾಟವಾಯಿತು.
ಪಟ್ಟಣದ ಬಟ್ಟೆ ಅಂಗಡಿಗಳು ಜನರಿಂದ ತುಂಬಿ ಹೋಗಿತ್ತು. ಎಳ್ಳು ಬೀರಲು ಅಗತ್ಯವಿರುವ ಸ್ಟೀಲ್, ಪ್ಲಾಸ್ಟಿಕ್ ಡಬ್ಬಿಗಳನ್ನು ಕೊಳ್ಳುತ್ತಿದ್ದ ದೃಶ್ಯ ಸಾಮಾನ್ಯವಾಗಿತ್ತು.
ಶನೈಶ್ಚರ ದೇಗುಲಕ್ಕೆ ವಿವಿಧೆಡೆಯಿಂದ ಬುಧವಾರದಿಂದಲೆ ಭಕ್ತರು ಬಂದು ದರ್ಶನ ಪಡೆದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.