ಕುಣಿಗಲ್: ಯುವತಿ ಜತೆ ಅನುಚಿತ ವರ್ತನೆ ವ್ಯಕ್ತಿಗೆ ಥಳಿತ

ಕುಣಿಗಲ್: ಬೀದಿಬದಿ ವ್ಯಾಪಾರ ಮಾಡುತ್ತಿದ್ದ ಯುವತಿಯೊಂದಿಗೆ ಅನುಚಿತವಾಗಿ ವರ್ತಿಸಿದ ವ್ಯಕ್ತಿಯನ್ನು ಮಹಿಳೆಯರು ತೀವ್ರವಾಗಿ ಥಳಿಸಿದ ಘಟನೆ ಮಂಗಳವಾರ ಬೆಳಿಗ್ಗೆ ಪಟ್ಟಣದಲ್ಲಿ ನಡೆದಿದೆ.

ಯುವತಿ ಬೀದಿಬದಿಯಲ್ಲಿ ವ್ಯಾಪಾರ ಮಾಡುತ್ತಿದ್ದು, ಅಪರಿಚಿತ ವ್ಯಕ್ತಿ ಸೋಮವಾರ ದಾಳಿ ನಡೆಸಿ ಹಣ ಕೀಳಲು ಯತ್ನಿಸಿ ವಿಫಲನಾಗಿ ಪರಾರಿಯಾಗಿದ್ದ. ಬೆಳಿಗ್ಗೆಯೂ ಪ್ರಯತ್ನ ಪಟ್ಟಾಗ ಆಕೆಯ ಪೋಷಕರು ಸೇರಿದಂತೆ ಸಾರ್ವಜನಿಕರು ಸೇರಿ ಆತನನ್ನು ಕೈಕಾಲು ಕಟ್ಟಿ ಹಾಕಿ ತೀವ್ರವಾಗಿ ಥಳಿಸಿದರು.

ಬಳಿಕ ನೆರೆದಿದ್ದ ನಾಗರಿಕರು ಆತನಿಗೆ ಬುದ್ಧಿ ಹೇಳಿ ಕಳುಹಿಸಿಕೊಟ್ಟರು.