ಕುಣಿಗಲ್ | ಐಸ್‌ಕ್ರಿಂ ತಯಾರಿಕಾ ಘಟಕದಲ್ಲಿ ಮಾಲಿಕ ಸಾವು

ಕುಣಿಗಲ್: ಪಟ್ಟಣದ ಷಾಮೀರ್ ಆಸ್ಪತ್ರೆ ಮುಂಭಾಗದ ಐಸ್ ಕ್ರಿಂ ತಯಾರಿಕ ಘಟಕದಲ್ಲಿ ಭಾನುವಾರ ಬೆಳಗಿನ ಜಾವ ಮಾಲೀಕ ನಾಗೇಶ್ (55) ಮಲಗಿದ್ದಲ್ಲೇ ಮೃತಪಟ್ಟಿದ್ದಾರೆ.

ಹೆಬ್ಬೂರು ಹೋಬಳಿಯ ತಿಮ್ಮಸಂದ್ರ ನಿವಾಸಿ ನಾಗೇಶ್ ಪಟ್ಟಣದಲ್ಲಿ ಐಸ್ ಕ್ರೀಂ ಘಟಕ ನಡೆಸುತ್ತಿದ್ದು, ರಾತ್ರಿ ಕಾರ್ಯನಿರ್ವಹಿಸಿ ಶೆಟರ್ ಎಳೆದು ಮಲಗುತ್ತಿದ್ದರು. ಭಾನುವಾರ ಬೆಳಗ್ಗೆ ಎಂದಿನಂತೆ ಬಾಗಿಲು ತೆಗೆಯದ ಕಾರಣ ಶೆಟರ್ ತೆಗೆದು ನೋಡಿದಾಗ ಮೃತಪಟ್ಟಿರುವುದು ಕಂಡು ಬಂದಿದೆ.

ವಿದ್ಯುತ್ ಪ್ರವಹಿಸಿ ಮೃತಪಟ್ಟಿರುವ ಶಂಕೆ ವ್ಯಕ್ತಪಡಿಸಿ ನೀಡಿದ ದೂರಿನ ಮೇರೆಗೆ ಕುಣಿಗಲ್ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.